في ظل أبو فيصل تحقق لنا آمال

دار السعود ديارنا دار الابطال
هي منبع الدعوه ومهد الرسالات
تاريخها معروف في كل الاجيال
ويشهد لها منذ عصورٍ قديمات
اسسها ابو تركي على حق مازال
وخلى البلد تسعد بامانٍ وخيرات
عبدالعزيز اللي حما سهول وجبال
وقضى على عصر البدع والخرافات
وفي ظل ابو فيصل تحقق لنا امال
خادم بيوت الله زعيم المهمات
يا كثر ما يعطي وينجز من اعمال
والشعب في عهده بخير ومسرات
والمملكة صارت تباهي وتختال
بنهضة حضارية وجيشٍ وقوات
وقايد مسيرتنا فهد ماله امثال
حلال فتالن فعوله حميدات
واخوانه عضوده على كل الاحوال
اهل السياسة والشيم والمروات
عبدالله وسلطان عمى عين الانذال
هم ذخرنا لاصار فالوقت شدات
وحنا سعوديين لا قال من قال
ما نستمع لاهل الحكي والاشاعات
ويالله ياللي تبدل الحال باحوال
تحفظ بلاد العز في كل الاوقات