العيد مناسبة تجيش فيها المشاعر ذات الخصوصية لدى الناس، والأمر يصبح أكثر عمقاً عندما تمر المناسبة على أصحاب الحس المرهف.. أولئك المبدعين في مجال الشعر.. حيث تحتشد الحواس للتفاعل وتنتج أعمالاً تستجيب لها قلوب المتلقين.. فتتمكن منهم وترسخ في أعماقهم. في هذه المساحة.. نستعرض بعضاً من بوح الذين سلكوا دروب التعاطي مع الشعر.. حيث تفاعلوا مع العيد فجادت كوامنهم بهتّان القصيد.. فكان النتاج ما سنطّلع عليه خلال الأسطر التالية: * يقول الأمير سعود بن بندر رحمه الله : أقول في نفسي وأنا اعايد الناس متى بشوفك تكمل افراح عيدي أجامل وربي عليم بالاحساس وشهو شعوري وأنت عني بعيدي إلى خذاني لك على السهر هوجاس ما كني الا وسط ربعي وحيدي لو حسوا بما بي يقولون لا باس بدال قولة عل عيدك سعيدي * ويقول الشاعر الشيخ محمد البراهيم الوافي: للعيد فرحة وانتظار وهدايا ويا زين يوم العيد بين الأجاويد يا سيدي يا سيد كل البرايا احترت أنا شَاهْديك في ليلة العيد أهديك قلبٍ هام بين الحنايا يغرد بحبك له سنين تغريد والاعيونٍ من سهومك ضحايا ولا ما تشوف إلا أنت يا صافي الجيد إلى أن قال: كلي حلالك يا عقيد الصبايا آمر تدلل وانت لك كل ما تريد يا ليتني ارضيك واثبت وفايا وياعلها تعجبك هدية العيد * وهذا الشاعر علي المفضي. واصفاً حاله في نهار العيد حيث يقول: دموع العين هّلت فوق خدي صباح العيد والعالم سعيده على من كان لي واليوم ضدي يعاند مثل دنياي العنيده حبيب ظالم بيح بسدي تناساني وأنا قلبي يريده إلي شفته مع الشارع معّدي أقول القلب هذا يوم عيده * الشاعر سعد الخريجي يجد العيد فرصة بأن يبلغ سلامه إلى من هجره رغم الدموع، مبيناً أن العيد الحقيقي هو اللقاء بمن يحب: الأيا عيد سلم لي على اللي ما يحاكيني أنا برسل تحياتي ولو مهوب راضيها أشوف الناس فرحانه ودمعي واقف بعيني أهنيهم ونفسي ما لقت منْ هو يهنيها أجامل كل ربعي الصديق اللي يباريني وأبين فرحتي والله يعلم وش معاينها إلى أن قال: أنا شفي من المحبوب نظرات تسليني تخاطبني بيوم العيد وتجدد أمانيها * ويقول الشاعر جلعود لافي الشمري. بأن العيد حل وأنه عيد خير وبركة وفيه التسامح والمحبة الصادقة: العيد جا عادت علينا لياليه بالخير وأيام الرخا والسعادة بالعيد كل ينتظر شوف غاليه وغالي يجي غاليه عقب ابتعاده العيد حل وحل بالذوق حاليه وفيه التسامح بين الاخصام عاده * وهذا الشاعر سليمان عزيز بن مروي حيث يصف العيد بقوله: العيد فرحة وعنه الناس نشاده يا فرحة العيد لك في القلب مسكاني أخص به مملكتنا شعب وقياده في ظل حكامها ذربين الايماني في ظل أبو فيصل اللي طور بلاده وخلا المواطن يعيش بأمن واماني * ويقول الشاعر نافع البشري بأنه عيد المحبة والسعادة وجمع بين قلوب الناس: عيد سعيد وبارك الله بالاعياد اللي جمعتني فيك يا فرحة العيد يا بسمة تعلن بها الشمس ميلاد حضور يوم السعد مع سيد الغيد تعايد الشايب بقبلات الاحفاد وتضم طفل لاهي يلعب سعيد * ومن قصيدة للشاعر فهد بن عقيل زايد الطويان: عيدك سعيد يا وطنّا أومبروك يالله عسى بالخير عيدك يعودي يا اطهر بلد من أمنّوا فيه حبوك خير وهبه الرب شعب السعودي مهبط وحي قبلة الإسلام زاروك مكة وطيبة كل مسلم يرودي ويقول أيضاً في قصيدة أخرى: أسمى التهاني والأماني وتبريك في يوم عيدك نرفعه يا وطنّا عسى عليك ايعود واللي سكن فيك اسنين بالطاعة لنا يشهدنّا اهني اللي قاد عزك وحاميك اللي حكم بالدين فرض وسنّا فهد حبيب الشعب غالي ويغليك مجدك وعزك والعدالة تبنّا * وهذه نورة الشبلي تصف فرحة العيد بقولها: هالحين صار العيد عندي سعيدي يوم اهتنى قلبي بشوفة حبيبه شفت الغلا لي في عيونه اكيدي بدو سلامه كل شك وريبه وقالت: يا عيد يا عيد المحبة والإسلام عساك بالأفراح دايم لنا عيد الله يعيدك بالفرح والرضا التام والنصر والتمكين وأفراحنا تزيد * ومن قصيدة أخرى للشاعر بندر سعد الجميعة يصف حاله في نهار العيد يقول: كل تهنى نهار العيد والتمّ شمله بمضنونه ومضنون عيني عليّ بعيد والله ما أقوى العزاء دونه وشلون بصير وأعيش سعيد والنفس بحماه مرهونه قلبي تملك من التوعيد ومن يقبل النفس مهيونه * وهذا الشاعر خالد عبدالرحمن الفهيد يقول: كل تهنّا وفرح ليلة العيد وكل لبس من حلية العيد فرحان وكل يقول امبارك العيد وسعيد وأنا عيوني تذرف الدمع سهران وكل يشوف اللي عن عيونه بعيد ويرتاح قلب تايه دوم حيران * ومن قصيدة لمها الوتيد: يا عيد ليتك تسعد القلب والروح ليتك تزيل النازفات العطيبه كم مرةٍ يا عيد مريت وتروح وكل مرةٍ جرح جديد تجيبه بين الحنايا داخلي قلب مجروح من فرقة الغالين زايد نحيبه * ويقول الشاعر الحميدي الحربي: صدر حنون اللي حضن فرحة العيد ياما حضن من معجزات عظيمه منه رضعوا حب الشموخ الصناديد وفيه صنعوا مجد يجدد قديمه أرض السلام.. أرض الكرام الأماجيد منها يهل الخير هتان ديمه أرض الحسام اللي عقد لأيدي الصيد عهد جلا ليل الجهل والهظيمة إلى أن قال: يا دارنا فرقك عن العام بعيد وخطاك بدروب الفضايل هميمه دامك عزيرة كل يوم لنا عيد دمتي.. ودام العز لك يا عظيمه * وهذا الشاعر قديم الشوق يصف العيد بأنه يختلف عن الأيام الأخرى فيه الفرح والشوق والسعادة في كل شيء في الملبس والابتسامة الغالية: للعيد فرحه يا حلو فرحة العيد نشوة أمل في وجيه الاحباب بانت وللعيد غنوة وابتهاج وتغاريد في الديرة اللي لسلم الأجداد صانت وللعيد شوق وذكريات وتناهيد في عيني اللي طول الأيام عانت وللعيد لهفه عند بعض الأجاويد يوم الطبايع تالي الوقت شانت * ونختتم رحلتنا مع هذه الأبيات للشاعر عبدالله تركي عبدالله السديري: العيد حل ونجم الأحباب ما هل اللي بشوفتهم جروحي تشاوت والموق في لوهو الدمع مالحل على البعيد اللي له النفس ناجت الناس في أعياد وأنا جسم منسل ما عاد بي غير العظام وتلاشت لولاي اوسع خاطري كل ما زل يوم فرقاه ذي الروح ذابت يومه نشدني قلت ما نيب انا اول ذيك الديار اللي لها النفس عافت ليته صبر وياي وفي نجد ما مل ذيك الحزوم اللي لها النفس مالت الله يوفق صاحبي وين ماحل ونفسي ترى ما مر يوم وعاجت
