ترجل الفارس

وهاجت ركاب الفكر لحظة حكتها
وزادت عيوني ب البكا عشر مرات
ب كثر الدموع اللي بموتك بكتها
مات المليك اللي يهوز الصعيبات
صقر العرب قايد حمى مملكتها
وقمنا نردد ل الصمد والتحيات
وصدورنا ترجف بها أفئدتها
ترجل الفارس زعيم الفتوحات
بعد ثمان سنين قاد أنهضتها
بعد م عن الخيل صوب البطولات
وعمّر مبانيها ووحد شتتها
من بعد كان البيت مبني على ثبات
انا أشهد انه طاح راس أعمدتها
صقر العروبة طيب القلب والذات
حقق ل اغلى مملكه امنيتها
من فوق راس المجد حط العلامات
وصمّل على التطوير نفسه هوتها
منومس الأوطان في فايتً فات
ب لمّ الشمل بعد الفتن شتتتها
العابد اللي حافظ ل الصلوات
قلب الرحوم وطيبته كم سقتها
سحايب الأعمار فكر وطموحات
سيفين والنخله تميل رطبتها
من خلقته ما يعرف المستحيلات
صنائع الانجاز زاد حركتها
مواقفه للمجد في كل الاوقات
سيرة ملك كل الاوادم رئتها
يرفع علم وتقول كل الشعارت
شهادة التوحيد نفسه روتها
قلبه سما واحساس قلبه مساحات
ويدينه لشعبه تزيد بركتها
ورسالته للشعب نبذ النزاعات
وقلوب شعبه ب المحبه قرتها
والدار ب اذن اللي يدير السماوات
ب امن وامان وتستعيد انشطتها
في ظل حكام للامجاد رايات
للمملكة هم ذخرها وارصدتها
ف ارقابنا الهم عهودً وبيعات
والمملكه كل العروق ارتوتها
تموت قامات وبالدار هامات
خير السلف ف الأرض للي تحتها
في حكم سلمان السعد والمسرات
نجدد البيعة ونلقى ثمرتها
يرقى بنا روس الرجوم الطويلات
وحنا جنوده للوطن في جهتها
وولي عهده هو زبون الونيات
مقرن دروب الطيب رجله مشتها
تاج المراجل والسيوف الشطيرات
مواقفه كل الكتب ماحصتها
ورمز العطا محمد فعوله جزيلات
وزير أمن المملكة وأنظمتها
النادر اللي عاشق ل المهمات
وافعاله يدين الفخر دونتها
عنّا متونه شايله ل الثقيلات
ومراجله كل البلاد عرفتها
تمت بحمد اللي له الحي لامات
يحيي جميع ارواحنا وافئدتها
- عبدالله بن ربيعان