أبها البهيّة

للسياحة في المملكة العربية السعودية طابعها المشرّف، ومما يجسّدها في مناطق الوطن الغالي مدينة (أبها البهية) كما وصفها الأمير الشاعر خالد بن سعود الكبير في قصيدة جديدة يخص بها -مدارات شعبية- يشار إلى الأصداء الإيجابية للسياحة في هذه المنطقة بتوجيه سيدي الأمير فيصل بن خالد بن عبدالعزيز أمير منطقة عسير -أطال الله عمره وأدام عزه-.
سلام الله على أبها البهيّة
سلامٍ مغرم بأحلى المصايف
سلامٍ كله أشواق ومحبة
سلام الولف لا شاف الولايف
ترى قصة غرامي لك قديمه
وفحواها غلا في القلب كايف
عروس المملكة والدار جيتك
ووصف الحب ينقص بالوصايف
ولو قلت الغرام اللي بقلبي
أنا حبي على التوصيف نايف
أخاف أنسى جمالٍ ما وصفته
وشيخ الشعر منقوده كلايف
وأنا شره الشعر وأبخص جماله
ويحرجني على شأنك وخايف
وزبدة هرجتي لك يالبهيّه
غرامي لك ترى ماهو بزايف
فداك ديار قالوا لي جميله
وأنا قد شفتها واقفيت عايف
وأنا أعرف الحلا مانيب جاهل
واعرف الزين كله واللطايف
حرام إنك سحرتيني بحسنك
ولا مثلك عروس للمصايف
وأنا همّي ابيّن حب داري
وبعض الناس همه للطفايف
- الأمير الشاعر/ خالد بن سعود الكبير