من راس أبو تركي معزي زعيمٍ من زعيم *** رمز الشهامة، والكرم، والزعامة منزله

يا لله يا محيي العظام الرميمة يا كريم
يا من عباده كل وقتٍ تقوم وتسأله
العطف، والرحمة نهار الصراط المستقيم
في محكم التنزيل مذكور ما حدن يجهله
ندعوك بأسماك الرفيعة ونطلب يا رحيم
إتشافي إللي كل شأن العرب متحمله
متحمله يومٍ انه مؤمن ومقدامٍ حكيم
حكمة بطل راسٍ يعزه، ورأس يعدله
يعدله بأمرين ما تجهل الرجل الفهيم
ولا ضعيف الفهم مسكين معميه اجهله
يعدله بالحق، والحق نور مستديم
يحكم بشرع الله وكلٍّ يحاسب بعمله
من راس أبو تركي معزي زعيم من زعيم
رمز الشهامة، والكرم، والزعامة منزله
نبراس راس يروس روس وعوق للخصيم
اتموت منه أهل الحسد والهوى والبلبله
إتموت موت الحوت والعز عزٍ من قديم
ما هوب عزٍ توه اليوم يأتيك أوله
أنا أشهد إن العز يزهاك يالحر العديم
يا من نَهَجْ نَهْجِ الموحد بحزم وكمَّله
يا خادمَ البيتين يا صاحب القلب السليم
إنبشرك بالخير، والخير حنا من هله
تدعو لك الأمة، ومن ضمنها الطفل اليتيم
ويشارك الطفل المناجي يتيمه وأرمله
والرابح اللي يندعاله من أعماق الصميم
سرٍّ وعلن يا مالك الملك منا تقبله
يالله يالمعبود يا مكون الكون العظيم
تمد في عمره ومن كل شرٍ تكفله
وترحم ولي العهد سلطان يالحي العليم
ترحم فقيد الأمة المسلمة وتحلله
وتحفظ لنا الضرغام نايف بحفظك يا كريم
وتوفقه لولايته للعهد وتمهله
وتحفظ بلاد العز من كل شيطان رجيم
في عز أبو متعب حزام الظفر والمرجلة
إي والله حزام الظفر لو يقال إنه حليم
اليا ألتطم كل يدور مكان يكهله
أما كذا ولا كذا ما تجي دايم نعيم
ما يندرى وش في بطون الليالي المقبلة
أهم شي إنه زعيم ومن رأس الزعيم
رمز الشهامة والكرم والزعامة منزلة
الشاعر - هادي بن حفيش القحطاني