من الراس للراس

والقناعة مرجلة والضعف عار
واطلب النجدة من الوالي القدير
لا تجي للناس طلباتك اكثار
كل ديوان تجي يمه مغير
ما خبرنا باهل الشجاعه تجار
غير فقره كل نفس له تعير
خل عز النفس للعورة ستار
مرشد البذال
ترى الردي لو تضربه بالحجارة
والا مطارق شوك وسلاح محدود
جنبه متين ولا يخاف المعارة
ولا يعرف البيضا ولا يعرف السود
والحر دايم يحترك بالإشارة
يفزّ مثل الزّند لي قدح بارود
رجّال يسوا له ثمانين حاره
ورجّال ما يسوى ولا عظم عجرود
بديوي الوقداني
ان كان جتني زلّة ٍ من ربعي
زلا ّتهم ما هيب عندي زلّة
اخفض لهم مني جناج الذلي
لكرامهم ما هوب خوف وذلّة
وان كان جتني من شجاعٍ طيّب
اشتال زلات الشجاع رضى ً له
وانا اعرف الطيب واعرف طبوعه
الطيب طبعه والردا ضدٍّ له
عبد المعين بن ثعلي