قدوم غيث هل من عقب الأمحال يا مرحبا وقلوبنا ورود وازهار في حبك الصادق تفتح وتختال بك يا بو متعب ياذرا الدار والجار يا ريف شعبك والعرب نسل الابطال لعل ماصابك حجاب عن النار يا خادم البيتين يا عز الاجيال من غيبتك كنا على واهج النار بس ننشد عنك يا طيب الفال شفقين ونتابع محطات الاخبار لعل نسمع عنك ما يشرح البال ندعي عسى المعبود يكفيك الاخطار ويردك الله للبلد طيب الحال وعافاك من يعلم خفيات الاسرار والحمد له حمد به يليق باجلال ردك لنا الغفار يالوالد البار وشعبك تهنابك عسى سنينك طوال بقلوبنا حبك بلا قيس وعيار لك منزل فيها ماهوب اي منزال نقولها على الملا سر وجهار لك الولا منا قديم ولا زال درب الخيانة ما لنا فيه معيار على الوفا باقين في كل الاحوال نموت ما خنّا عسى الغيث مدرار مع جيتك وبله على الدار همال يا درعنا يا عزنا بين الاقطار يآل السعود أنتم لنا فيّ وظلال فيكم وطنا صار جنات وانهار وعنه الجهل في عهدكم زال وانجال المملكة صرتوا لها حصون وستار والله ما نسمع بكم جاهل وضال شايع بن شاهر الحربي
