أبو الشعب

للوطن

وبلادنا على مشارف يومها المجيد.. استقبلنا عشرات القصائد التي تمجد هذه الذكرى الخالدة ذكرى توحيد الشمل بعد شتات على يد الملك البطل عبدالعزيز بن عبدالرحمن طيب الله ثراه ونفخر بحاضرنا الزاهر في عهد خادم الحرمين الشريفين الملك فهد بن عبدالعزيز أبو الشعب السعودي وباني نهضته وقائد مسيرته أيده الله بنصره وشد أزره بسمو ولي عهده الأمين وسمو النائب الثاني.
وحفظ الله بلادنا الغالية من كل مكروه.
والقصيدة التالية للشاعر سرور المطيري وهي إحدى القصائد التي جمعت بين الاعتزاز بالماضي المجيد والفخر بحاضرنا الزاهر حيث يقول:
يالله يا مرسل لنا خير مرسول
يا منزلٍ نون وتبارك والأنفال
تخلي أبو الشعب للشعب ويطول
عمره.. وتمهل في مدى سنينه أمهال
واللي يعيش بهمنا منه منقول
راعي العقال اللي على الراس ميال
وأبو حجاج دوم يضحك ومغلول
عساه في حفظك بحل وترحال
والامن حمله حمل والحمل مشيول
يالله تعين بعونك اللي له إشتال
والشجرة اللي تذرى فروع وأصول
ولنا بها مأمن من الخوف وظلال
ظل به الانسان محفول مكفول
ينام مستأمن على النفس والمال
ولاراح به حق كتب ضد مجهول
أو ضيعه قاضي قوانين.. محتال
الحكم شرع الله ويحكم به عدول
ميزان حقٍ ما تمرجح ولا مال
يا ناس يوم أصول بالكون وأجول
ما اشوف مثل المملكة شبه وأمثال
أحبها عالم وتاريخ وفعول
أحبها جغرافيا مجد وأبطال
أحبها وديان وجبال وسهول
أحبها واحات وعبال ورمال
لا صرت فيها أيامي عقود من لول
وأغلى من اللؤلؤ.. ومن غالي المال
وإن غبت عنها يوم عندي تقل حول
ولا طاب عيشٍ ولا ارتاح لي بال
في موطني والله مدري وش أقول
حبي له أكبر من تواصيف وأقوال
وحب الوطن على الوفا خير مدلول
إحساس وأقوالٍ تصدق بالأفعال
كل آدمي يخلق على الكون مجبول
على محبة موطنه ما به إشكال
من بلاده فلا هوب مقبول
أكيد غير فطرته فكره الضال
ومن لا يحس إنه عن الدار مسؤول
فيه البلا الخافي ولا هوب رجال
من خان أمانة موطنه عاش مخذول
لو يدعي بالعز.. في واقعه ذال
عليل.. وعلاجه على حد مصقول
والله يجازي كل خاين وختال
وصلاة ربي عد ما هل هملول
على شفيع الخلق في يوم الأهوال