أهل العوجا

هذه القصيدة بمناسبة احتفال أهالي منطقة القصيم بتعيين صاحب السمو الملكي الأمير عبدالعزيز بن ماجد بن عبدالعزيز نائباً لأمير منطقة القصيم.
تهامى القطر في بريدة همايل
وزم خزام بيده من هميله
تجلى المجد في نجد الجمايل
وجاد وجدل الغيث الجميله
هلا بالجود وأجواد الحمايل
هلا بالعز وزناد الفتيله
هلا بالديم وأظلال القوايل
هلا باللي جوانحنا مقيله
هلا بالساطي عصام الخصايل
هلا بالفيصلي صاف الفصيله
صبر فيصل لبارقكم يخايل
وهلا من همى برقك بسيله
وجينا معه نصدح بالمثايل
بليل ما يتهيا أبدا مثيله
نسوق العود ونزج الجزايل
لراس دايم علومه جزيله
هلا بعبدالعزيز وطي حايل
هلا يا طيب اطباع وخصيله
حفيد المجد وأمجاد الفعايل
فلق فجرك دجا كالح هجيله
سمي العود عاداتك طوايل
عطيب الكف واليمنى الطويلة
شبيه الشبل واشباهك قلايل
نقلد من وشى فيكم فشيله
على عهد فتلة أهل الفتايل
نحفظ الفرض ونحفظ النفيلة
ونغليكم غلا غط الغلايل
ومن ينغط غلو؟ غله غليله
زحول الهول لو تهزي الهزايل
زمام العز ما تهزه هزيله
من أيام الإمام كعام عايل
قوي الباس دواس المعيله
تجمعنا بعد فرقى القبايل
وكل صار له جاره خليله
بعد هجاد وأوجاع وجهايل
يسمي فارس ويكسر سبيله
ويرحل من نواء النية رحايل
بسنا دولة وناد وله بديله
وحل سعود يا نعم البدايل
سعود الجود مداته جليله
وصل فيصل سطا مصقله صايل
وصرم نصب صهيون وصقيله
هلا ليا وهداته هوايل
نشا الشيب بشباب من رحيله
وخلف خالد وخالد خير سايل
صخا وخيم رخا بشمخة نخيله
وحل الفهد ميزان العدايل
خدم بيتين والثالث يخيله
أصيل صادق صامد صمايل
سطا صرخاً سخا دجله ونيله
يا ليت العمر يعطا لطيب طايل
لغمر سمر عمري له وأجيله
وفاء نفدي فهدنا أبو النفايل
جدانا عل نجزيه بجميله
فهدنا لا تملل,, بالملايل
رمينا القلب في جمر المليله
تنومسنا علومه والدلايل
عربنا في كربها تلتجيله
عزانا في وزانا الوزر زايل
لعل الوزر والينا يزيله
ويحفظ للفهد يمنى الطوايل
ولي العهد عبدالله خليله
مقر العدل ما به شيء مايل
عدا عقاله شويه فيه ميله
مسح دمع من الأيتام سايل
مثل هداج تيما ينعنيله
وسلطان العطا وأبو الفضايل
ملا كل الفضا الفاضي فضيله
ونايف,, نايف كله كمايل
أمير الأمن ما خمن دليله
عيال العود فرسان الأصايل
هلا العوجا والأنساب ألاصيله