بشرى شفى رمز الكيان وغناته
يوم الثلاثا في بيانٍ ثباتي
أعلن به الديوان في مفرداته
قالوا طلع من يصنع المنجزاتي
شفناه يمشي مهّل الله حياته
شفناه بالتلفاز عبر القناتي
وتباشرت كل النفوس بشفاته
عليك شعبك يا أبو متعب يحاتي
كلٍ دعالك سيدي في صلاته
والحمد للي خالق المعجزاتي
متصرفٍ بالكون واربع جهاته
سبحانه اللي يعلم الخافياتي
جلاَّ جلال اللي حفظ كايناته
يالله تحفظ راعي الطايلاتي
وتزيل ما صابه وتكتب نجاته
أنعم عليه بنعمتك والثباتي
عفوك وتشفع له كبارٍ إحسناته
واكتب له التوفيق طول الحياتي
حتى يواصل للوطن منجزاته
في خدمة الإسلام والمكرماتي
ونصرة رسول الله وتقدير ذاته
وخدمة بيوت بالوفا شاهداتي
ومواقفٍ بين الدول رافعاته
في مستوى العالم بكل الجهاتي
كل عرف مسعاه ومبادراته
رجل السلام وناطح الكايداتي
أضفى على كل المكارم عباته
متسامحٍ واقطع من المرهفاتي
سيفٍ يبيد اهل الخطا في هواته
متواضعٍ وارسى من الراسياتي
واكبر من النخوة على واجباته
صميدعٍ واكرم من المرزماتي
يقول هاك ولا بعد قال هاته
متسلحٍ بالدين صوم وصلاتي
بالمال ما يبخل ويدفع زكاته
أضفى على شعبه وجود وغناتي
هذا أبو متعب من يسوي سواته
كل القيم وادرو بها الفاضلاتي
وصى عليها والتزم في وصاته
كل الهمم وعلومها المعضلاتي
له تنحني به تنتخي زابناته
كل الشيم واهدافها الطيباتي
الله عطاه وحطها من صفاته
نورٍ سطع يقضي على المظلماتي
ولا فيه مجدٍ سيد الجود فاته
الحسم بالحكمة على المخطياتي
وعن من يخون الدين يعلن براته
يا سيدي ومنزل الذارياتي
شفناك في كل الوطن يا حماته
وبعيون أبو خالد صباح ومباتي
شفاك له غايه وكل أمنياته
وبعيون نايف. نايف الوافياتي
وأسرة هل العوجا بنين وبناته
وشعبٍ قلوبه بالفرح عامراتي
تبقى مشاعر سيدي حاضناته
المملكة ترسل لكم بالوصاتي
تبي تشوفك هيبةٍ والتفاته
في جوها في بحرها والفلاتي
غلاك كل قلوبنا حافظاته
متى: متى يا والد الشعب تاتي
للدار يا رمز الوطن يا غناته
شوفك هدفنا يا عظيم الصفاتي
ولك السلام ورحمته وبركاته