صوت وصدى

تقول عاشق وانت نايم ومرتاح = لوكنت صادق كان سراك شوقك
الليل ستر اللي بسر الهوى باح = وف الليل من خلك بتاخذ حقوقك
الليل،قمرا،ناي،وشموع،وجراح = الليل ياقلبي.. سرق قلب ذوقك
الليل عطر،سافر،باذخ، فاح = الليل تروي فيه ظامي عروقك
الصدى - شاعر
حبيبتي ياسحر ياعطر فواح = اجمل صباحاتي مجرد شروقك
ماتدري ان الحب والشوق ذباح = لحظة خفت عني وهجك وبروقك
قلبي معك نبضه.. وكله.. بمفتاح = وانا هنا.. ميت وله من طروقك
احتاج لك والشوق محرج وفضاح = بلسمك انا وانا الطبيب لحروقك