أهالي بقيق ينتظرون حل لغز السيارة المنسية..!!

أثارت سياره مركونه أمام أحد الدوائر الحكوميه المهمه في محافظة بقيق الحيره و الإستغراب لدى أبناء المحافظه.. حيث تتواجد السيارة بجانب مبنى هيئة الأمر بالمعروف و النهي عن المنكر مباشرةً, و كانت بلدية محافظة بقيق قد قامت كعادتها السنوية بإعادة سفلتة الشوارع الداخليه للمحافظه نهاية كل عام.. و قد اثارت هذه السياره استغراب المواطنين
حيث أن الشركه التي تقوم بهذه الأعمال عندما بدأت في إزالة الإسفلت القديم تجاوزت هذه السياره و أكملت عملها, و عندما قامت بالسفلته الجديدة أيضاً تجاوزت هذه السيارة و قامت بعملها, و يتسائل أهالي محافظة بقيق أين مراقبي بلدية بقيق الذين يراقبون هذه المشاريع؟؟ و أين الدوريات الأمنيه التابعه لشرطة بقيق؟؟ ثم أين هيئة الأمر بالمعروف التي تتواجد هذه السياره بجانب المبنى الرسمي لها؟؟..
(عاجل) توجهت بسؤال الى أحد رجال هيئة الأمر بالمعروف و الذي رفض ذكر اسمه حيث أفاد بأن هذه السيارة لها وقت طويل واقفه بجانب مبنى الهيئه و لا نعرف صاحبها و لا ندري إن كانت مطلوبة لدى الجهات الأمنية الأخرى أم لا.. !!
السلام عليكم
انتم عطوني رقم اللوحه وانا اجيب صاحبها من تحت الارض
ان كان هم ما يعرفون انا اعرف
-----
وعلا طاري انا مشترك بجريده مسويه تخفيض بمناسبة اليوم الوطني (81) وحطو الصندوق واخذو الفلوس ولا شفت شي
تتوقعون الفلوس اللي اخذوها قيمة صندوق بس؟*
نص التعليق السلام علييييييييييييكم نحنو موضفين أمانة الاحساء قسم تجهيز الموتى محرومين من بدل طبيعة عمل محرومين من الترفيعات محرومين من00000000000000 كلنا امل فلله لانريد سوى المواسا بباقي الموضفين
للبيع الزين.؟
راحت بثمانية.؟
كفووووووووو يا ابو عبدالرحمن اقديت والله
خلي النايم يصحى بيض الله وجهك على الطرح
والي الامام يا ابو عبدالرحمن
بقيق لها اكثر من خمسة عشر سنة لم يتم لها عملية سفلتة بس تغير الانوار في الشوارع الرئيسية ياخ شفيق هل انت من سكان بقيق اثبت لي ذالك انه كل نهاية سنة على كلامك ان بلدية بقيق كعادتها السنوية بإعادة سفلتة الشوارع الداخليه للمحافظه نهاية كل عام واينك قبل ستة شهور وشوارعنا بعد ازالة قشرة السفلة من قبل القاول ولم يتم سفلتتها الابعد العيد بسبوعيين
ارجو نشر تعليقي ياعاجل
ياخوي العالم تدور وظائف وانت مبلشنا بسياره ببقيق والله ماحد دري عنك انت والسياره وبعددين خله على راسك هي
رغم انها ليست من السيارات الفخمه لن نقول انها لامير ولكن نقول انها لمسؤل .
حدث ولاحرج يوجد في الحوية كثير من هذه النوعيه والسفلته تمر بجانبها .
المنظر قمت التخلف الحضاري اللي نشاهدها يوم بعد يوم في بلادي الحبيبه بمقارنه
بسيطه مع تطور بشكل ملحوظ في البلدان الفقيره أقرب مثال البحرين ....
لله درك يابلادي المفسدين عثو وطقو وسلبو اموال الشعب وها هو نرى يوم بعد يوم نتيجة الفساد ...
هل من مغييث يغيث الشعب السعودي الفقير ودولتها من أغنى دول العالم
انشري ياعاجل لكي يضحك علينا العالم والخليج وهم يشاهدون وضعنا بالسعودية
سلم لي على التطبيل !!!
و كانت بلدية محافظة بقيق قد قامت كعادتها السنوية بإعادة سفلتة الشوارع الداخليه للمحافظه نهاية كل عام..
من صاحب السياره ماتعرف المرور تطلعه وليش الهيئه مابلغت عنها السياره وراها سر زالله اعلم تابعوا موضوعها وصاحبها
طبعاً ليس وراها مخالفات أو مردود مادي كذا ما يهتم بها المرور
السلاام عليكم ..
اذا ما احد يبي السياارة ... انا ابيهاا ..
لا تتهاوشون عليها انقلوها باسمي وانا اشيلها عن مركز الهيئه ..
واحط لكم بدالها سيارتي الصني ..
ولو انها تبي غسيل بس يا الله ما عليه ...
بنطلع عليها انا وابو لافي للامارات والهفوف ...
هاااه شرايكم اسحب ع الكليه واجي اخذهااا .. *_^
سفلته سنوية الله اكبر
عندنا شرق الرياض سفلته كل قرن
وانا اقووول من اول وش انا ناسي ؟؟؟!
الله يذكركم الشهاده ..... الله لا يهينكم ارسلوها سطحه للطايف !!
اهم ما بالخبر انهم يغيرون الأسفلت كل عام
ماشاء الله اللهم لاحسد
سمعتو يا امانة القصيم يسفلتون نهاية كل عام وانتم كل قرن بعد مايغير المواطن سيارتين متكسره من المطبات الطبيعيه في شوارعنا
بالاضافه للمطبات الكوارثيه(قصدي الصناعيه))اللي تزرعونها بكل مكان
السيارة وغير السيارة اذا توقفت واصبحت ملاذ للقط وغير ذلك يجب الابلاغ عنها او يتم سحبها من قبل ادارة المرور لانه وقوفها وعدم الاهتمام بها يجعلها عرضة للسرقة وجعلها مستهدفة من قبل ضعاف النفوس من الارهابين لعمل متفجرات بها وغير ذلك
لو كانت كامري أو كرسيدا أو ونيت كان كتبوا عليها تالف وتلقاها
بالحجز أكيد . . . . . . .
طيب وبعدين وين المشكله سياره واقفه ؟؟
لها مدة طويله ولا قصيره مب شارع والشارع موجود لسيارات ؟؟
خلو الواحد يكون حر وين يوقف سيارته فيه حتى مواقف السيارات صارت مشكلة ؟؟
ههههههههه قسم تعليقات سخيفه
الرجال جالس يتكلم عن النهب وعدم الامباله من الادارات الحكوميه
وانتم حاسدينا على سفلته
وانت يا ابو فهد شكلك منتب من اهل بقيق الشوارع عندنا
كم مره تغيرت اذا ما عندك علم سير علي واعلمك
بالعربي الفصيح الدعوه ميزانيه واهم شي انها تصرف قبل السنه
حتى يتم زيادة الميزانيه في السنه القادمه
ويوم يتكلم عن المراقبين صادق الرجال الدوله تدفع بالمشاريع وفي النهاية
المقاول يسرح ويمرح لا حسيب ولا رقيب اجل بالله هذي طريقة زفلت زفلت الشارع
وترك محل السياره لا سحب ولا تبليع لا بلدية ولا ادارة مرور او شرطه
والاطقع منهم مركز الهيئة كيف ما رفعو فيها بلاغ مع العلم لها قرابة الشهر في مكانه
للآسف بكل مدينه نرى سيارات مجهوله تقف بالآشهر والسنين دون تحريك ساكن هده الظاهره وللاسف منتشره وبكثره في مجتمعنا وليست بالآمر الجديد
الله اكبر سفلته كل سنه اسمعي يابلديه وادي الدواسر مع اني ماني من الوادي بس اذا جيت اروح للجنوب اجي من الوادي الله يعينكم يا اهل الوادي
اللحين يالصحفي الوفي
ليش واقف بالشارع ومعطل السير عشان تصور سيارات خلق الله
ياخي حراميها حراميها بلا مثاليات وخرابيط
احلا ما بالخبر
سياره مركونه أمام أحد الدوائر الحكوميه المهمه في محافظة بقيق
بسؤال الى أحد رجال هيئة الأمر بالمعروف و الذي رفض ذكر اسمه حيث أفاد بأن هذه السيارة لها وقت طويل واقفه بجانب مبنى الهيئه و لا نعرف صاحبها و لا ندري إن كانت مطلوبة لدى الجهات الأمنية الأخرى
بسم الله الرحمن الرحيم
لبييييييييييييييييييييييه يا بقيق
ننتظر جديدك ياحلو
اول اشاره للقادم من طريق الرياض
لف يمين
هل هي موقفه على راسك مثلا
اخوي عبد الله العضياني السيارة الي تقول عنها عادية هذي الله يسلمك سيارة اودي لايقل سعرها عن 200 الف ريال , وانا عن نفسي ماعندي مانع اشتريها من حراج الشرطة والمرور ب 15 الف من دون مااشوفها ويش قلتوا وأنا مستعد ببقية التكاليف من نقل ملكية ونقل السيارة ولكم علي ماتشوفها بعد اليوم ومستعد بحالة الموافقة أجي آخذها بأسرع وقت ممكن قولوا تم وأخلص اجرائتها كلها بظرف يومين الله لايعوق بشر .
طيب جيبوا آلة وارفعوا السيارة ورجعوها ورى شوية 5 أو 6 متر على المساحة اللي انتهت .. وسفلتوا مكانها ...
شوفوا بالله الصورة !!!!!!!
قسم تخلف في حياتي ما شفت مثله ....
هههههههههههه وش قال كعادتها سنوين سفلتت الشوارع
اذا انت من بقيق فعلاً قولي متى كانت اخر سفلته لبقيق
ثاني شي لا تحط جهدك على سياره منسيه
حط جهدك على الخدمات الناقصه ببقيق مثل الجوازات مثل فرع لبنك التسليف
مثل فرع لشئون الاجتماعيه مثل كليات شي يخدم المنطقه واهاليها
اقول بلا كذب انا من سكان بقيق والسفلته مو كل سنه خصوصا الشوارع الداخليه
صار لها سنين طويله
صااااادق شفق انا من اهل بقيق والله كل سنه زفلته
هذه الظاهره أصبحت منتشره في معظم المدن السعوديه سيارات جديده أو نظيفه تشاهدها مركونه في أحد الشوارع أو أحد مواقف المجمعات وبعد فتره تجدها تم تشليحها وأصبحت هيكل حتى لوحتها لم تسلم من السرق.أناء أعتقد أن هذه السيارات تكون مسروقه من أماكن بعيده أو أستخدمها السارق لمأرب أخرى ومن ثم تخلص منها في هذه ألأماكن.أناء أرى أن هذه السيارات من مهمة رجال المرور والدوريات أن يقوموا بتسجيل أرقامها وإيصالها ألى مراجعهم للأستفسار إن كان عليها بلاغ أو ألأتصال بأصحابهالأبلاغهم عنها.((من غير المعقول أن يترك أحد سيارته وهي حديثه في مكان عام لمده طويله)).