بعد المنازل والممتلكات الخاصة .... لصوص بريدة يتجهون لسرقة مؤسسات الدولة ..!!!!

في تحد خطير للأمن في مدينة بريدة تطورت أساليب وأهداف السرقات من الممتلكات الشخصية للمواطنين ( سيارات - منازل - جوالات- نقود) إلى سرقة الممتلكات العامة للدولة (مدارس بنين وبنات- مركزإشراف تربوي - ) حيث شهد حي السلام مؤخرا دخول عددا من اللصوص لمدرستين تتبع إحداها لتعليم البنات وهو مؤشر خطيرجدا يدل على عدم احترام المقرات التابعة للدولة في ظل تراخي الأمن داخل الاحياء وقلة عدد سيارات الدوريات واعتماد الأجهزة الأمنية على بلاغات المواطنين وعادة ما يكون اكتشاف السرقات بعد حدوثها لتسجل ضد مجهول فالأساليب المتبعة لاتختلف عن الأخرى فيما يخص السرقات ..
الأمر جدا خطير وحساس ويتطلب تدخلا حاسما من قبل مدير شرطة منطقة القصيم اللواء عبد القادر طلحة وزملائه والذين يبذلون جهودا مشكوره وحثيثة لبسط الامن على الأرض لكن الواقع يتطلب الكثير من اليقظة والحرص وزيادة عدد الدوريات خاصة وأن مدينة بريدة اخذت في الاتساع الكبير ولصوص السرقات يستغلون ذلك لمزيدا من شق الصف الأمني ..
السلام عليكم ورحمه الله وبركاته...
الحمد لله الذي عافانا مما ابتلى كثير من خله ... فله الحمد كما ينبغي لجلال وجهه وعظيم سلطانه ... وله الحمد حتى يرضاء وله الحمد إذا رضي وله الحمد بعد الرضا.
وبعد :
مما تدمع له العين ويحزن القلب مايحصل في مجتمعاتنا الإسلامية من كثرة المشاكل وابتعادنا عن ديننا ومخافه الله قولا وعملا , فلو طبق في كل واحد حد السرقة لما تجراء أحد أن يمد يده على شي ليس له , فأرجوا من خادم الحرمين الشريفين تطبيق الحد شرعاً وتشوفون وش يتعدلون الخلق لسنا نحن المشرعون وإنما شرعنا أتي من فوق سبع سموات.
ههههههههه مظفرين الشباب شكلها رحله للبحرين
قطع 3 أيادي في شهر وتتراجع السرقات 99%
وإحتمال اللي سارق ومادرى عنه أحد يجي بنفسه ويعترف ويتراجع ويرجع المسروقات ..
أهم شي لايجي المري لأنه بيقول منكم وبكم ؛ رغم ان الارض زفلت وبورسلان وبلاط المديفر
لأن الله أبخص بعباده لذلك شرع قطع يد السارق عندما تستوفى الشروط ..
حمانا الله وحفظ لنا وطننا ومليكنا
الدوريات الأمنيه للأسف شفهم حاطين تفاتيش ويبحثون عن مجرمي تظليل السيارات ومجرمي عدم تجديد الرخصه و الإستماره
....
كثر السرقات في بريده ووووووووين مدير الشرطه طلحه
مالومهم لان كل شي مؤهل لهم
1- لاعقوبه
2- لا رقابة
3-لا نظام رادع
تطورت أساليب وأهداف السرقات من الممتلكات الشخصية للمواطنين ( سيارات - منازل - جوالات- نقود) إلى سرقة الممتلكات العامة للدولة (مدارس بنين وبنات- مركزإشراف تربوي - )
الله لك يامواطن
تشك في أحد؟؟؟؟
واليوم نداءاااات لأنالحق ليس خاصا
والله من سيارة وسيارة سرقت وبالنهاية ولا شي
تطبيق شرع الله وراح يختفي هالامر
الله يرحم ايام الملك فهد
السرقات ماتشكل 20% ونادراً نسمع بسرقة
لاكن هالحين في كل لحظه وكل دقيقة سرقة
الحي يحتاج الى جهوووووووووووووووووووود؟؟؟؟
ويا كثر ما نشوف دوران الشباب فيه
والله اقرفوووووووووونا
( ما فيه جريمة ضد مجهول ) !!!!!
تحروا عن اللي قاموا بتنظيف اما خزانات او ارضيات تلك المواقع وستجدون السارقين من بينهم...
فبل عشر سنوات كان هناك تواجد للعسة داخل الأحياء ..
ولكن لا أدري لماذا أختفت .
والله مثل ما قالو
السارق تقطع يده
والمروض اذا شفتو احد يسرق 999
او 993 ان ما عرفتو 999
لكن فيه بعض ناس يضن انه مو جحه هههههههههه
لكن ما فيه احد يسرق يوم كان فيه الملك فهد ونادر نسمع السرقه .. الا 20% ..
ما الومك
ما الجديد في سرقة المدارس فهي تسرق منذ قديم الزمان هي والمساجد لم تسلم من السرقه ....والبنوك ومحلات الذهب والغنم....
يقال ان هناك رجل ((رقله)) ببريده منذ عدة عقود كان حارس لمدرسه من الطين وفي يوم الأربعاء مر عليه وفد من الحجاج الذين يعبرون بريده وهم من الاردن والشام فأجرهم المدرسه خمسة أيام عندما اتى الطلاب يوم السبت وجدوا العجائز الاردنيه تشرب القدو الشيشه في الفصول وناثرين قشهم بوسط الحوش تقل بيت ابوهم ..
أقترح على الحراميه الله يجزاهم عنا خير
يسرقون الأثل الي دبلن كبدي وشجر البرسوبس والمطبات الصناعيه والصبات الي حول الدوائر الحكوميه وأن اختطفوا البنقاليه كثر خيرهم يغبونهم عندهم يمكن يحتاجونهم ........
أقول يالله لا تبلانا...قبل كذا سنه سارقين مدرسه بالحاره ومحطين اسمائهم وارقام جولاتهم وما هي مره كذا مره
عمومآ الوضع العام كما اشرت سابقآ قش مطلقه ههههههههههههه
الحين ابسال سوأل ممكن ؟؟؟؟؟
كم يتخرج من عسكري بالسنة طيب وين يروحون ؟؟؟
انا ساكن بحي من احياء بريدة لي اكثر من سنة ماشفت عسكري من جنب بيتنا ودايم سرقات بحراتنا وبلاوي مايعلمة الى الله \"\"\"\"
صدق لاقالو اذا قلت البركة لوهم كثر التراب مانفعوا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
مع لأسف الغالب في رجال الأمن لا يهمه سوى كم بقي من ورقة في دفتر الخالفات
( والله لو أن فاطمة بنت خويلد سرقت لقطعت يدها ) ( ولكم في القصاص حياة )
يعني لا حياة هنية مريحة مطمئنة إلا بتطبيق الحدود والإسراع بتنفيذها
نعم هذا هو الواقع فقد سرق مسجدنا عدة مراة وذهبت لمدير الشرطة السابق وقلت له إن السرقات أصبحت حديث المجاس فغضب وقال ليس صحيح كلامك فقلت الواقع يشهد ففي اسبوع سرق في الحي سرق ثلاث سيارات منها سيارتي.. لكن لم يعجبه الكلام لكنه وعد بخير . فنحن إلى الآن ننتظر الخير....
يا عالم السرقات صارت بوضح النهار
ومن مسؤلين والله انهم يسرقون الايتام عينك عينك
وانا مطلع على ذلك والله على ما اقول شهيد
ومستعد للشهااده
ماهي بس بريده حتى عيوت الجواء فيها سرقات كثيره جدا حتى المحلات على شارع كبير وكلها تسجل ضد مجهول والاعنام ايضا والاستراحات ومامره مسكو الحرامي ومره جانا ضيف من الياض وجلس عندنا شهر كامل ويطلع للاقارب ليل ونهار ويسا ل يقول ليش ماعندكم شرطه او دوريات وقلتا له عندنا بس مايطعون تظرهم الشمس والليل وقت نوم حتى التلفون ماهو دايم يردون عليه ولكن تجيهم تبلغ عن السرقه ويكتبون بالمحضر البصمات غير واضحه ولايوحد دليل ويسلمون من دوخة الراس ولكن من عذرهم المدير بعنيزه ولايدري عن شي والمحافظ بالقواره والوعد بكرا الدوام الساعه عشر او احدى عشر وبعد الصلاة الوعد اهلنا وشكرا ياعاجل على النشر
طبق حكم الله وريح مخك
اخشى ان يسرقو رجال الامن
عادي وش الغريب اصلا مافيه شرطة بس ادارة المرور هي اللي شغاله في نهب المواطن والمواطن ينهب مواطن عشان يسدد المرور
ياكثر سيارات المرور اكثر من المواطنين وافخم سيارات وسيارات سريه وكاميرات وشغل والله تقل جالسين في دول العالم الاول او الثاني من زين الطرق او المحطات او المناطق الامنه
والشعب ماكل هواء محط مخالفات ونظام دبل المخالفة
والشرطة الله يعين لاوجود يذكر ماغير تحصل جيوب ربع مضلله ودوران على الاماكن الهاي هاي والاحياء العادية الله الساتر ماتشوف غير كوامري المرور وجيوبهم المجنطة والمزبرقة وسياراتهم السرية ودوران ولحق في ساقة البزارين وخذ تحجير لهم
والجوازات من السنه لسنه نشوفهم في الحملات حسب مزاج الضابط مافيه اي جهود لهم ماحصلها غير العماله الاجنبية ورجال المرور هم اللي شغالين في الديرة
واذا جينا الى البلدية ماتشوف غير سياراتهم الجيوب الصغيرة القبونات مع الموظفين طايرين بين الشقق والاستراحات يتبطحون على حساب البلدية عند ربعهم والقمايم ماليه الشوارع والمخلفات ماليه الاحياء على كثر سياراتهم على قلة بر كتهم تصدقون ماعندهم براميل قمامة طالبينها لنا شهر والى الحين ماعندهم طالين طلبيه من الرياض وماجت شكل الامانه عندها ازمة ماليه الشعب ماسددوا ال200ريال حقت السيارات ولارسوم المحلات والبيوت وحدث ولاحرج واذا دقيت على 940الطوارئ ماحولك احد بس فالحين في السواليف مع المواطنين بدون اي حل يعني ماحولك احد
مافيها مدير حازم
والمصلحة مصلحة المياة مثل البلدية سياراتهم القبونات مانشوفهن غير كل صبح ياخذون لفة وينامون باقي اليوم واذا دقينا عليهم عشان البيارات كل موظف يقولك ردد مطولك ياليل لنا اكثر من شهرين نشتكي على صرف صحي بيارات والى الحين ماحلوا الموضوع بلشين في دقة حنك وفول وتميز الصبح
وش بقي قولو لي وش هاالديرة
اما الدفاع المدني الحق يتقال له جهود ملموسة بس نبي القطاعات الثانية الحكومية تتحرك شوي ويقولون وراه بريدة من جفرة لدحديرة مالقت ناس وافين لها مثل بقية محافظات القصيم
طرق محفرة احياء تفتقر الى النظافه من 6شهر الى 6شهور يجون عمال البلدية يكنسون شوارع الاحياء
محلات تجارية وهمية ماليه الشقق السكنيه في شكل عشوائي مشين الى المنظر وعيني عينك لعب
مدينه مدخلها من سوق غنم الى سوق حطب الى كل شوي لهم رأي اول مرة اشوف ديرة مدخلها ورش صناعية وسوق حطب او سوق غنم كل واحد يطرح له نضرية بعد مايتفق هو واخوياة في الاستراحه يجي من بكرا ينفذ المشروع ويجي الثاني ويغير ويلله خذ قرارات بدون ناتج تلقاعم على مشروع واحد يجلسون سنين لين يتفقون على شي واذا اتفقوا اختلفوا على النفذ كلن يبي----- والمحافظات الثانية مابقي غير انها تحط سراميك في الطرق من جمال الروعه وسرعه التنفيذ والتعاون وبريدة الى الحين على المشروع مااتفقوا
طريق له سنين يعمل فيه وحصد من الارواح ماالله فيه عليم وخط الجوف والمدينة انتهى وهذولا ماهب قادرين ينتهون من وصلة طريق من البصر الى برج بريدة
وووووووالخ
ياحول يابريدة الدعوا ساااااااااااااااااايبة
يا عبدالله العودة ( فاطمة بنت خويلد )!!!!!!!!!!!!!!!!!!!!!!!!!!!! فاطمة بنت محمد
والله ما هي بعيدة نشوف الشرطة تنسرق ولا يعرفون من هوا السارق ( السارق مجهول)
الله المستعان
لو يطبق الشرع بحذافيره والله ما نشوف مثل هالمهازل .
طيب واذا قلت لكم ان السرقات تصير داخل مراكز الامن بين العسكر وبعضهم حيث ان الجوالات تسرق كذلك شنو تقولون ؟
الاخ طارح المقال ....اين حارس المدرسه وقت السرقه؟؟؟؟؟؟ لا سيما وانهم يسكنون بالمدرسه نفسها؟؟؟واين رقابة ادارة التعليم على تواجدهم بالمدرسه؟؟؟؟ نأمل مسائلة ادارة التعليم عن ذلك؟؟؟؟(؟) (؟) (؟)
منذ إنشاء (( هيئة التحقيق والادعاء العام )) والمشاكل بإزدياد 0
هيئة التحقيق والدلع العام هي السبب الاوحد لكل المشاكل 0
عندما كانت الامور بيد الشرطة فلا مجال امام المجرم سوى الاعتراف بجريمته ومن ثم نيل العقاب الصارم 00
اما الان يتم القبض على المجرم من قبل الشرطة وبتم تسليمه لهيئة التحقيق والدلع العام التي بدورها تحفظ جوال المجرم وتطلق سراحه وتودعه بباقة ورد وتروجه الرد حين الاتصال به عن طريق الجوال 000
من أمن العقوبة أساء الأدب
لدينا شباب استهتروا في الممتلكات العامة وفي النظام العام ولا أحد يستطيع منعهم
حتى تمادوا الى الأعراض والمملتكات الخاصة وهاهم يتجهون للممتلكات العامة
وإن لم تصدر أحكام صارمة فلن يرتدع أحد
قصة ابن جلوي بمنطقة الشرقية دليل تاريخي لامع بعد أن عجز من قبله على ضبط أمن الشرقية حتى أصبحت الشرقية بجهود ابن جلوي أقل المناطق مشاكل وأكثرها أمن