مدير صحة القصيم يتفقد المراكز الصحية الجديدة ببريدة ويتابع سرعة انجاز العمل لافتتاحها

قام مدير عام الشؤون الصحية بمنطقة القصيم د/ عاطف محمد سرور بجولة لبعض المباني الحكومية للمراكز الصحية المنشأة حديثاُ بمدينة بريدة لتحل محل المباني المستأجرة أو المراكز المستحدثه وذلك لتفقدها و للوقوف على ما تم إنجازه من تجهيز تمهيداً لتشغيلها ..
و رافقه في الجوله مساعد المدير العام للرعاية الصحية د / عبد الله الصيقل و الأستاذ / صالح عبد الرحمن التويجري مدير المراكز الصحية بالمنطقة و الأستاذ صالح الشيبان مدير التموين الطبي بصحة القصيم
وقد تواجدت (عاجل ) لدى تفقد الدكتور عاطف ومرافقيه لمركز صحي البشر(الروضة) الجديد حيث كان مدير المركز عبدالرحمن بن صالح الكبير متواجدا هناك والتقى المدير العام وقدم له الشكر والتقدير على اهتمامه بكل ما هو لصالح صحة المواطن كما اثنى الكبير على اهتمام كافة القيادات بصحة القصيم بتجسيد إحلال المباني الحديثة مكان القديمة معتبرا أن ذلك الاهتمام خلق نقلة كبيرة في النواحي الصحية بمدنة بريدة خاصة والقصيم عموما..
الصور من الزيارة ..
الله يبارك في جهودهم و يجزاهم عنا خير
والله نتمنى اليوم اللي نشوف فيه المباني الحكومية بدلاً من المستأجرة التي لا تتناسب لإستقبال مراجعين
كل الشكر لك
و شكراً لعاجل
يازين المبنى فرق عن مستوصفنا اللي تقل مغارات
عساهم على القوة يريحوننا
مشكورين على الخبر 0
بس مادري الدكتور عاطف ومرافقيه لاحظو؟؟؟؟؟؟؟؟؟؟؟؟؟؟؟؟؟؟
الأضاءه الاحتياطيه بالمراكز الجديده(قديمه جدآ ذات اللون الاصفر))الاكباس0
اذا تجهيز المبنى بهذا الشكل فالله يعين وش بيكون حال الاجهزه الطبيه؟؟؟؟؟
عفارم والله نجزونا تكفون
كان فيه مشروع مستوصفات حكومية مدري هاذي اللي سمعنا عنها
شكرا للسرور و اللي يرافقه
هذه بشرى بقرب إفتتاح المراكز و إذا كان مراكز جديدة فشئ يفرح
نشكر مساعي مدير صحة القصيم و مدير الرعاية والمراكز و كل المسؤولين الحريصين على هذا القطاع الهام
و الشكر موصول لصحيفة بريدة
أبو سارة
سمعنا عن هذا المبنى أنه من اربع سنوات يشتغل به غريبة وش اللي موقفه
الزيارة التفقدية أكيد تخلق تخوف منفذ المشروع ثم يسارع في تشغيل المركز
[المتأمل] [ 23/04/2008 الساعة 2:59 مساءً
ياخوي لا تستعجل رزقك وتفاءل خير وهذي إضاءة إحتياطية الله لايحيج لها ولها ميزتها وجودتها
بس أنت خل المشروع يشتغل وتشوف النور لو بضواية
السلام عليكم
المبنا بجنب المدرسه اللي اروح لها كل يوم أقول يارب متى يفتحونه بجد أحتاجه وما أقدر أروح للمستوصف لأن مرة رحت وتعبت ماوصلت المستوصف الوحيد بالحي إلا بطلعت الروح ولقيته الزحمه فيه موووووت مره الله يعافيكم مره فرحت نشكر مدير الصحة واللي معه ونقول
ماقصرتو الله لا يبتليكم بأذيه
في البداية نرفع أسمى معاني الشكر لمدير عام صحة القصيم الدكتور عاطف سرور و كذلك مدير الرعاية الدكتور عبد الله الصيقل ومدير المراكز الدكتور صالح التويجري على مايولون المنطقةمن جل اهتمامهم لمحاولة الرفع من مستوى الخدمة الصحية والذي يتضح من خلال مثل هذه الجولات المثمرة بإذن الله مع طموحنا للمزيد فالمنطقة تعيش نهضة سكانية ونمو في السكان يتطلب تضافر الجهود وذلك في وضع الخطط المستقبلية لتقديم خدمات تتناسب مع تزايد عدد السكان المتزايد بإستمرار
شكراً مرة أخرى وشكراً للمتميزة عاجل
شكراً لكم عاجل دائماً في الحدث
نوجه الشكر والعرفنا لسعادة المدير العام بصحة القصيم ومرافقية على هتمامهم
وياليتهم يجون يشوفون مستوصفنا اللي بالموطأ شكل العمل متوقف عنه من فرتة
ونتمنى يكون في كل مستوصف جهاز أشغة صوتية يغني عن التحويل للمسشفى
7
7
7
7
7
صحيفة عاجل تكفيك
الله يبشركم بالخيرا
ويعدي عنهم كل بلا ودنا تخف الزحمة بمستوصفنا كل ماجيناهم نبي أسنان لقينا قدامنا عشرين ومن كثر الزحمة يحسبونه الناس قصر أفراح هههههههههههههههه
الحمد لله خطوة جيدة
نقلت من حويلان للريان نقلت ملفي للبشر وشفت الزحمة قلت ليتي بديرتنا اللي نجيهم نلقاهم يسولوفون من الفراغ ماعنده مراجعين
بصراحه قال لي واحد من الأصدقاء أن الرعاية الصحيه مصممة لتطوير المباني و توزيع الأحياء بينها لتقدم أفضل خدمة و تطوير الخدمه داخل المستوصفات وتقوم بجولات دورية
عموماً يجب علينا نشكر جهودهم
و شكراً لك ياسامي ولعاجل
متى يفتحون مستوصف ب الاسكان؟؟؟؟؟؟؟؟؟
المركز الحالي نزمل لأابغينا نروح له زحمة و بخيلين بأجازات المرضية
بالأول قالو لنا أنقلو ملفكم عندنا يوم نقلناة نراجعهم مرضاننين ومايعطون إجازة يقولون حالتك ماتستاهل مرضية ونروح لم المدير ونفس الشي سنة كاملة ماعطوني فيها غير يوم مرضي
اللة يذكرك بالخير يامستوصفنا الأول
يتكفون أفتحولنا المستوصف
شكر لسامي الناصر على هالخبر
ومشكور مدير الصحة و اللي معة التويجري و الدكتور الصيقل والله يجاااكم كلكم بالخير
أختكم أم فهد
خبر سار جداً نشكرهم جميعا
والنعم الله بالمدير ياطول صبره على مراجعينهم ولد طيوووب
بس ماتلاحظون في الصورة مكتوب [[الروضة ]] اللي نعرف الروضة عند فندق الدبيخي والمبنى لمستوصف البشر بالحي الزراعي يا أخ سامي مدري خطأ في الخبر أم ماذا ؟
شكراً لك يادكتور عاطف و الصيقل و للتويجري نشوفه بالصورة متحمسس | وشكراً لكل من قام بالجولة
شكراً لك سامي
ماشاء الله تبارك الله
ياليتهم ينجزون ويخلصونه لهم
بصراحه ملينا من مبنى مركز البشر اللي يجيب الطاعون
ضغط رهيب ومراجعين بالهبل والمبنى لايفي بتقديم الخدمه
بالرغم من الجهود الذي يبذلها مدير مركزالبشر محاولا تغطة العجز وتقديم الخدمه وارضاء المراجعين
اتوقع ان يكون المركز متميز على مستوى بريده
وذلك لوجود مبنى متميز وادارة متميزه
كان الله في عون الجميع
خطوة مبارة وبشائر خير بإذن الحي القيوم
الفترة القادمة تبي تشهد نهظة لأن سمعت كل حي فيه مبنى حكومي والقرى أيضاً
أما مستوصف البشر كنت أبحث عن عن مركز الخدمة الإجتماعية قالو لي نقلت من حويلان للبشر و من عند الإشارة اللي تدخل للحي شفت زجمة سيارات توقعت يكون إستقبال طلبات توظيف من كثر السيارات اللي واقفه عند المركز حتى لقيتتها مسكرة أبواب منازل جيران المركز الله يكون في عونهم ذولاك الجيران
دخلت لقيت مدير المركز وكنت أسحب هذا هو مركز الخدمة يوم شفت اللوحة
لكن استقبلني بكل ترحاب و دلني على اللي أنا ابيه حق الخدمة الإجتماعية
شكراً يا دكتور عاطف وشكراً لك يا صالح التويجري و أيضاً للدكتور الصيقل و همسة رجاء لو تنظرون بعدد الموظفين الصحيين داخل كل مركز أحياناً نشوف نقص فيهم ويحولوننا لمراكز أخرى
مشكورة يا صحيفة بريدة ولكاتب الموضوع