الإرهاب \"\"صرخة الموت\"

\"‎
نحمد الله على سلامة صاحب السمو الملكي الأمير/ محمد بن نايف بن عبد العزيز ونسأل الله العلي العظيم أن تكون سلامة دائمة لسموه ولحكومتنا الرشيدة ولجميع المسلمين المسالمين آمين.
وبهذه المناسبة أهدي سموه الأبيات التالية
يا باغي الإرهاب لا تحترق فيه
خلك عن الدرب الخطير بعزازي
يا كيف تذبح ولد عمك وتنهيه
وتقول للجنة تراه اجتيازي
إن كان باسم الدين هاتوا فتاويه
انه يجوز القتل دون احترازي
الدين ما هي هينات مباديه
مثل الجبل لو مرت الريح لازي
شرايعة سمحة نهلنا معانيه
فيه المحبة والعفو باعتزازي
الدين واضح ما لاحد فيه تمويه
الغرب حاول ما لقى به مهازي
يا حيف يا شباننا يا مسافيه
وشلون خلوكم علينا غوازي
والا الوطن ما يخدشه شلة فيه
لاجل الوطن من صلب ما هو قزازي
ما يخدشه ناس صغار معاتيه
تبي ترجعنا لعصر المغازي
يغرهم من مغوي بليس مغويه
لهم بقتل الآمنين امتيازي
وترى الوطن بارواحنا دوم نفديه
لأجله لنا ظل بوقت العيازي
واليوم يوم الخير زادت موانيه
وصار الأمن والخير خط متوازي
عدونا خطط به الحسد معميه
سلط علينا شلة به نشازي
يبي ينكد عيشة حلوة فيه
فيه المواطن والمقيم بحرازي
لكن ترا صقر العروبة مذريه
بجنحان طير جاهز للمهازي
في عينه اليمنى على الدين حاميه
وفي عينه اليسرى علينا خزازي
يمناه فيها وافر الخير تعطيه
ويسراه يضرب به عدوه بجازي
لين السفينة حطها في مراسيه
عن غبة الأمواج ما به هزازي
يا خواننا حذراكم الشر داعيه
لا يجونكم بالدين باسم انتهازي
إبليس لا منه عجز عن عوانيه
وسوس لهم بالدين زود ارتكازي
وختامها صلو على من نواليه
نبينا اللي زين الأخلاق حازي
هذا والله من وراء القصد،، والسلام..
كتبها
دخيل الدخيل