"عاصفة الحزم" قصيدة للشاعر مشعل الشويش

صفت جيوش القصيد الحماسيه =وقايد الافكار يرسم معانيها
الأوامر جات بالشعر عفويه =من هجوس" تعطي القوس باريها
جوك يالحوثي صقور السعوديه =الحرار اللي تعلا مراقيها
طايرات" تعبر الجو حربيه =عاقت افكارك ودكت مبانيها !
وف البحر نرسي بقوات بحريه=وفي حدود البر نار" تصاليها
جوك شجعان" تحب المخطريه=مثل م انت تحب نفسك وتغليها
بالشجاعه والفعول الحقيقيه =نحرق احزابك وفتنتك نطفيها
ماتعرف احكام منهج وشرعيه=معتدي واحوالك الله مرديها
ميليشيات انقلابات حوثيه =تنهب حقوق اليمن وسط أراضيها
التحالف قوته غير عاديه =قوة" ياويل منهو يناحيها
لابطشنا نلحق الكيه الكيه=نكحل عيون المعادي ونعميها
نرخص الارواح لاثارت الهيه=ذي عوايدنا القديمه ونثنيها
الاوامر جات حزم وسياسيه=الملك سلمان شيد مباديها
رتب افكار البلاد الخليجيه=قايد الامه محقق مساعيها
إستجابه للشعوب العربيه=صف عاصفة الحزم ل اجل داعيها
والزعامات الزحول القياديه=والله إنّا نفتخر كلنا فيها
يشهر الفيصل بعزم ورياديه=المصايب من قديم متقهويها
المواقف والفعايل بطوليه=سيرته تاريخ الامجاد يرويها
والدفاع اصدر قرارات رسميه=وابن سلمان الشجاع متوليها
حنكه.. وخبره .. وقدره خياليه=يرسم الخطه ويبعد هقاويها
وابن نايف قايد المجد راعيّه=أمّن حدود البلاد وضواحيها
ندعي المعبود ونصفي النيه=ينصر أمتنا .. ويجبر خطاويها
الشاعر/ مشعل الشويش