قصيدة رثاء في والده للشاعر متعب الشبوي

يا وجد روحي عقب ما راحوا الناس =وجيت المكان اللي تسولف علي فيه
وتخالفت عبرة عيوني بالانفاس =وطرت على بالي طواري تبكيه
طواري" تضربي اخماس بسداس =وصبرت قلبي و احسن الله تعازيه
اصبر وانا صبري مثل حد الامواس =وارضى بما يكتب ولا نيب شانيه
مرحوم ياللي خلقته مالها اجناس =دمث الجناب اللي على الطيب ماشيه
من خلقته يتعب على كل نوماس =ويتعب على رفقة رفيقه ويغليه
ماهو على زلة رفيقه بعساس =وما يتبع المقفي ويطرد قوافيه
عزيز نفس مات ما هان له راس =ويسوق عمره دون ربعه ويصخيه
غديت عقبه مثل راعي التلماس =عمى وطاه الشين واظهر خوافيه
يابوي مالي غير في ليل الادماس =ادعي الكربم اللي سمعني واناجيه
يالله ياللي بامرك يهب نسناس =تسوق له زرق الغثاير وتسقيه
وتجاوره مع النبي سيد الناس =وعسى النبي من حوضه العذب يرويه
متعب محمد الشبوي