قصيدة للشاعر متعب الشبوي

الطف بها يا عالم بقصاها
صبرا على النفس الشقيه حاجه
ما كل من يتعب لها يلقاها
دام الرجال عزومها تسعدها
لا خير في رجل قصر ممشاها
الادمي رزقه على نياته
ما دام روحه بالصبر يرفاها
لا صرت قانع ما كتب لك حقك
لا بد من صبح عقب ممساها
واللي تبع درب الحكاوي يبلش
بيجادل اللي يقصر معشاها
والمرجله لو انها بالمركى
تسابقوا بزرانها ولحاها
المرجله تبغي لها متولع
يشفق لها ويموت ما خلاها
كنه على ربعه غمام وديمه
يسعى ولا يسعى بغير رضااها
والعانيه والضيف يلقى قدره
في حلة يزبن دخيل حماها
ولا يذمه غير قاصر طاله
غنى ولا لاحى لها بغناها
واللي يحب النفس ماله صاحب
لو غلف فعوله بحلو حكاها
والنذل نياته بعظم لسانه
و وسومها تظهر على محياها
واللي يدور للردى بيذوقه
واللي يحب المشكله يلقاها
ومن يتبع المقفين ماله قيمه
يطيح قدره لا تحت ماطاها
ابدى على الرجال شيمة وجهه
دام الرقاب اعتاقها من ماها
والصدق ينجى به قليل الحيله
والكذب ما جمل قليل حلاها
والعله اللي من سبب تدبيرك
وقايتك منها سبيل دواها
واختام قولي يا صلاة محمد
على النبي خير البشر وازكاها
متعب محمد الشبوي