لأجل الأمل ياما طوينا الفجاجي

لأجل الأمل ياكم طوينا الفجاجي
فالمملكه فالمانيا والمسافات=لأجل الأمل ياكم طوينا الفجاجي
برلين دار الانضمه والجنيهات=وأهل البخل فعلا تعكر مزاجي
نصبر ليا شفنا الوجيه الكريهات=وكلابهم كثر البهم و النعاجي
عند الامانه تنعرف بالحسابات=لاحصت يابن العرب للجاجي
كلا لوحده في اختلاف المسارات=وكلا يحسب مدخله و الخراجي
يالله تصبرنا على البعد بالذات=لاضاق صدري من خباث المهاجي
وفقدت ربعي والعلوم الطريات=ما عادبه بسطه وفلة حجاجي
ربعي لهم في ساحة المجد رايات=شبو على رؤوس النوايف سراجي
والأحباب نذكرهم و يالعين هيهات=معذور انا في غربتي وانزعاجي
جينا لهانوفر وحمر الخواجات=اللي دعونا دعوة ن للعلاجي
دعوة خليلي واضحه بين الآيات=ياربنا منك الشفا وابتهاجي
عاون عضيدي فاللقسا والمسرات=وتصبغ عليه العافيه و الخراجي
وامثل بلاد الوفا فالسفارات=والبس مع رجال المهمات تاجي
نمشي الدروب الواضحه والجميلات=ما نلتفت لأهل الردا والعواجي
يالله لا تفرح بنا كل شمات=وأهل الشماته للمناكر تفاجي
ناس ن تحب الفلسفة والدعايات=اما غزتك إعلان ولا تناجي
احكامها ضد البشر لأجل نيات=والمشكلة فالفهم صار ازدواجي
احد ن عيونه فالجمايل كفيفات=وبلاك بكسه للخطايا سياجي
واحدن كلامه ما يباله مطارات=ويمحا كلام الليل بالانبلاجي
ما كل رجل يتحمل منك شرهات=مادام فيها شرهتي واحتجاجي
الإغريق ندريبه سلاحه مرايات=واصل المرايا المحرقه من زجاجي
متى نعودك يالوطن والمسرات=معهم روابط خاطري وابتهاجي
شعر/ ناصر ال جمان
هانوفر
/22/4/1434