القحطاني: الغنيم مظلوم.. والكوميديا تهريج وإسفاف

شاهد عيان من الشارع العام، على الأعمال الرمضانية ونجومها.. له وجهة نظره تجاه ما تابع من الأعمال وله رأيه الخاص بالطبع..
وش أكثر عمل شدك في الأعمال المعروضة؟
القعقاع بن عمرو التميمي.
والأعمال السعودية كيفك معاها؟
في عمل سعودي كويتي يعرض على القناة الأولى السعودية.
قصدك مسلسل «الصراع»؟
أيه هذا هو.
وش رايك فيه؟
يعني شكله جيد ما أقدر أحكم عليه الحين.
شكلك ما تشوف إلا الأعمال التاريخية والتراجيديا؟
ما أدري بس أشوف إن هذه الأعمال أكثر فائدة وموضوعية أما الباقي تهريج وإسفاف.
وش تقصد بالإسفاف؟
المبالغة في الكوميديا إلى حد السماجة.
أنت من متابعي الأعمال العربية مثل المصرية والسورية؟
كنت أتابع بشغف مسلسل باب الحارة في أول جزءين بس بعدها صارت السالفة «تمطيط»، أما الأعمال المصرية فهي مثل الأعمال الهندية.
وشفيك متذمر ياخي من أعمالنا العربية ماهو عاجبك شي؟
هذي قناعاتي وميولي.
طيب لو عطيناك مليون ريال وقلنا انتج عمل وش بتسوي؟
بسوي عمل ملحمة عربية.
ومن بتجيب من الممثلين؟
بأجيب عباس النوري وسلوم حداد من سورية وعبدالمحسن النمر من السعودية وأخليهم أبطال.
وتتوقع أن العمل بينجح؟
أكيد ما دام فيه نجوم.
كيف البرامج وياك هاليومين؟
شوف البرامج الدينية ما فيه إلا خواطر وحجر الزاوية والمسابقات سباق المشاهدين مررره حلو.
ما تلاحظ إن برامج الكاميرا الخفية كثيرة في هذا العام؟
صدقت وكلها تميل إلى الفبركة والتقليد.
وش رأيك في النقلة اللي مسويها التليفزيون السعودي؟
هي نقلة كويسة بس ما أعتقد إنها راح تطول.
ليش؟
لأنه بيكون فيه تدخلات في اللي يعرض.
من أكثر ممثل تشوف إنه مظلوم؟
هما اثنان بشير غنيم وعبدالعزيز السكيرين.
ليش مساكين؟
محبوبين من الجمهور ولهم أدوار وشخصيات حلوة.
وش أكثر شخصية لهم راسخة في ذهنك؟
بشير له شخصيتان مرة وحلوة وهي «حمود الفشقة» و«سواق الشيوخ».