عم الشهيد "عبيد الصعب" يرثيه بعد استشهاده دفاعاً عن وطنه

أرواحنا للدين درع وحزامي.. والعمر لأجل الأرض والدين مرهون

رثى الشاعر الحسين بن أحمد بن عبدالعزيز الصعب، ابن شقيقه الشهيد الجندي أول عبيد بن حسن بن أحمد الصعب، والذي استشهد قبل يومين أثناء تأديته واجبه دفاعاً عن دينه، وحماية لحدود وطنه من المتمردين المعتدين، أثر مواجهة مع ميليشيات الحوثيين على الحد الجنوبي بمنطقة جازان. وأكد "الصعب" في قصيدته أن المواطنين ورجال الأمن جميعهم في خندق واحد يذودون بأرواحهم عن دينهم ووطنهم.

بسم الله المعبود جالي الظلامي
الخالق اللي له عبيده يصلون
له الثناء والحمد له بالدوامي
والله أكبر صدق وإبليس ملعون
نعزي أنفسنا لو الجرح دامي

الموت درب الكل مشرع ومسنون
شهيدنا دافع عن الحد حامي
وامسى على موتته منجد مغبون
جانا خبره ثم جونا الأنامي
ناس (ن ) يهنونا وناس ن يعزون
افراح ترسم وسط ليل وعسامي
وثغور تتبسم على وجه محزون
تخالطت كل المشاعر أمامي
لو كان دمعاتي على الخد يجرون
يجبر عزانا فيك يابن الكرامي
واللي يخفف حزننا فيك بالهون
انك شهيد وموقفك كان سامي
تذود عن دينك مع اللي يذودون
موتة شرف يطول عنها الكلامي
فيها الفخر مع طلعة الروح مقرون
كل ن لدرب الموت جايع وظامي
ولا نبيع الدين والارض ونخون
زفو شهيد الموقف الاحتدامي
وهلو عليه القبر ياللي تهلون
شهادته دليل حسن الختامي
والا الاوادم كل ابوهم يموتون
نسأل له الفردوس دار السلامي
يفوز بالجنة مع اللي يفوزون
وعسى على قبره يهل الغمامي
وتمطر على تراب القبر عدة مزون
ويدعون له اللي يجون المقامي
واللي على قبره عجالا يمرون
ياللي قريت القاف تسأل علامي
امسيت من فرقاه باكي محزون
تصبري ياام الشهيد العصامي
لو كان من حولك حزانى ويبكون
وياخوي صبرك فالمواقف لزامي
عليك كل الناس بالصبر يثنون
فقيدكم فقيد اهل وعمامي
فقيد ديره كلهم له يحبون
فقيد شعب ن نال منه الوسامي
واهداه روحه مارضي يهدي الدون
اختاره الله بين كل الأسامي
ونال الشهاده صدق والربح مضمون
العمر يمضي والليالي حطامي
والناس في الدنيا شغالا ويسعون
تلهي بنا الدنيا ودار العدامي
وبكره تصير بداخل القبر مدفون
ياحظ منهو فالحياه استقامي
على طريق الحق والدين مصيون
وصلاة ربي عد وبل الغمامي
على النبي أمرار يا اللي تصلون