وجه السعد

طليت طله من علو واسعدت يا وجه السعد
واستقبلتك قلوبنا اللي لك نزعنا أقفالها
والتهنية ماهيب لك على ولايتك العهد
التهنئة للمملكة نسوانها ورجالها
واتته لك البيعة وخذ بيعة وخذ معها وعد
بالطاعة اللي نلتزم باقوالها وافعالها
وإلا لولاية حملتك حمول وزيادة جهد
لو انت قد للحمول خفافها وثقالها
ما عندما لك غير ما شفته لسلطان وفهد
أمام محبتنا لبو متعب فخذ امثالها
لنك كفو من سيرتك ستين عام بها البلد
ريحتنا بالدولة اللي نستظل ظلالها
لا تحسب انا ما نشوف وإلا أن فينا من جحد
الا شليلات الفساد الله يكشف حالها
أهل السموم اللي تض البنت قدام الولد
ونته قفلت الباب دون المهزلة وانذالها
واللي تعاطا مخدرات يظن ما فوقه احد
يعبث بخير المملكة ولا حسب لرجالها
حصني ومغلوث وتورى انه لدى للاسد
لو الحصانى حقها كله على عقالها
واللي صحى من سكرته قام وتلفت وارتعد
من غلطة لو تمها وقع بشر اعمالها
وحنا الرجال لالي عرفت اطناب واوتاد وعمد
للخيمة اللي وحدها ورى القمر منزالها
وليا عطيناك العهد نبقى على نفس العهد
قناعة لو كل من بالكون جا ما زالها
حتى الخطأ مقبول ثم مقبول لو تخطي بعد
عندك مساحة للخطا لو كنت ما تسعى لها
بغيت اعدد ما عرفته عنك واوقفت العدد
لقيت كل اقوالي اللي قلت كل قالها
حكامنا قدامنا وحنا وراهم للأبد
هامات ما به بيننا من يطلب استبدالها
هامات عليا عندنا سيان من قام او قعد
ولا نبي الا افكارها واقوالها وافعالها
يقابلون الله جلوس وهو الله الفرد الصمد
وما يقبل الله نقبله من دقها واجلالها
والمسألة قدرة فكر ما المسألة قدرة جسد
ولا يكفينا من الاسرة صغار عيالها
يا مساعد القبطان خل الباخرة تمشي قصد
ترى بواخر غيرنا تمشي قصاد ظلالها
وأهل القرايات والمدن جو ما بقى فيها أحد
ولا قعد ببيوتها غير النساء واطفالها
تقاطر أفراد البلد لمبايعة ولي العهد
نعم الجموعة ونعم من هو كان باستقبالها
في ظل من شمال البلاد ومن بها معه وصعد
ببيوتها وبحورها وسهولها وجبالها