غلطتي

رجعت اصلح غلطتي واعتذر لك
با اللي حصل مني وانا كنت غلطان
يدفعني احساسى وقلبي وهبلك
شوق وغلا ما يملكه غيرك انسان
حتى القلم بحساس شعري كتبلك
ما بين هم وحزن وافراق خلان
والقلب من حبه وشوقه نبضلك
بمعانقك وده على طول الازمان
واحساس من قو المشاعر رسملك
صورة جميله ما تقدر بالاثمان
وحتى عيوني فالغياب اسهرتلك
والدمعة اللي حايرة بين الاجفان
حاولت اداريها وغصب ادمعتلك
طاحت وانا صديت كن شيء ما كان
وعن وضعي الحالي لزوم اعترفلك
الحال من بعدك تزايد بنقصان
خذها صراحة بعترف واختصر لك
أني ليا شفتك تناسيت الاحزان
راشد الفهيد