ياسيدي طبت

ياسيدي اعذر شعوري لو اذنبت
شعري قصير عند حضرة جنابك
يضيع مني كل مافيك رتبت
تعبير شعر من مهابتك هابك
لكن قسم أني لحبك تشربت
واصبر اللهفه بهيبة سرابك
فيني حضن صدر الغلا ليلة السبت
لحظة قتل بندق حضورك غيابك
على جفاف ارضي ومنها تصببت
وسمية الفرحه لفت من سحابك
من وطأة الفرحه على الفور غيبت
يومك لبست العافيه مع ثيابك
ياسيدي وش يعني الهم والكبت
هذا الشعور اللي غزا في مصابك
شف صبري من لوعة الضيق شيبت
ودعوة سجودي في نواحي كتابك
والحمد لله يوم ياسيدي طبت
بشمس العوافي بدد الله ضبابك
من منبع اخلاقك نهلت وتهذبت
واهدد الحاجة بقسوة شهابك
سلطان خير وبالشدايد تطببت
وابشر حكتها بسمتك مع جوابك
الجود فيك وما ابد يوم حسبت
يموت عند الغير وانت يحيا بك
في بسمة الايتام ياماتسببت
ودمع الفقر ممسوح يوم انتخابك
ياسيدي خيرك ابد فيه ماارتبت
مثل الجسد واصابعي بالتشابك
في مدة ايدينك للاحزان عذبت
وييقن بحل المعضله من لجابك
ياسيدي اعذر شعوري لو اذنبت
شعري تقزم عند حضرة جنابك
مليح الوريلي