الكلمات للشاعر / نايف الشريف اداء وانشاد / ممدوح الرضيان إرجعي يابنت راحت في سيول الغدر عاد جاها سيل ٍ قد تسمى سيل من خان الأمانه أه. ياقلبي عليها كيف انا اطيق البعاد من يملّي الدار عقب اللي ضوالي في مكانه وش يفيد إن كان سمّو مايسمونه فساد الفساد اللي جرالي بالحياه وشهو عشانه؟ يافساد الطبع ماني واقفه ضِدِه عناد مير خل البنت صدري غص ياويلي حنانه هلّت إدموعي وهمّي زاد فالدنيا وزاد فوق هم القلب هم ٍ يقطع اليومه رجانه هم خلاّ اليوم جِده كل مافيها سواد كِنّها الدنيا تخلّت مابقى فيها سوانه راحت اليومه ضناي وكم بكى اخته ( زياد ) ماقطعها يوم راحت بالذِكِر مره لسانه قال يمّه وين اختي وين وديتوا سعاد قلت راحت ياضناي وكل يوم ٍ في حضانه كان إلامِنه بغاها جا يناديها ثعاد لجل تلّعب وإتّسلى دوم يعطيها حصانه مابقى له في حياته كود يالذكرى جهاد كل مامرّت طواري الاخت يبكيها زمانه أه. ياقلبي تقطّع لوهو اليومه جماد ماصِبَر واللي يشوفه ( فوق ) لاقيل الخيانه من ربى في دار عِز ويسرق اليوم البلاد؟ خان دار وخان ربع وخان حتى فالديانه نار في صدري ولاهو عاقِب النار الرماد نار ماتطفي وانا اللي في لهايبها مدانه ليتني كِنْت وبِدَلْها مير ليت القول فاد لولا ديني في صلاتي عقلي زوّد في جنانه احمد الله الولي اللي عدل بين العباد مايضيع الحق دامه بالعدل ربي كسانه يالله اللي لارجيتك إهدني درب الرشاد إهدني للرشد قلبي زوّدِه من صبر عانه [flash=http://youtube.com/v/s9OZ3Yv1U_A]WIDTH=500 HEIGHT=400[/flash] تلقت "جازان نيوز " التعقيب التالي من الشاعر / نايف الشريف كاتب القصيدة التي قام بإنشادها الأخ / ممدوح الرضيان وقد أوضح الكثير مما يجب .فله الشكر والتقدير . نص التعقيب :: السلام عليكم ورحمة الله وبركاته احبتي الكرام لاشك ان للشعر منذ بداياته موقف في جميع القضايا ( إجتماعية , سياسية , وطنية ) وغيرها من الموضوعات , وهو إما ان ينقل صورة واقعية او خيالية متحدثاً بها الشاعر عن ذاته او ذات الغير او قد يتحدث بها شعراء كاتبين على لسان جماد وكأنما هو من يقول الشعر . هنا احبتتي الكرام انا كتبت هذه القصيدة وفي مخيلتي والدة سعاد واصفاً مشاعرها وحالها وحال اخيها ومتحدثاً بلسان حالهم شاعراً بمشاعرهم وآلامهم ومعاناتهم , ناقلاً للقراء صورة هي اقرب ماتكون للواقع متفاعلاً مع شريحة من مجتمعنا تعرضت لمعاناة شاركهم فيها الكثير . وليست القصيدة لوالدة سعاد ولكنها من ماشعرت به انا من احاسيس ومشاعر شاركت بها كل المتضررين في مدينة جدة . هي كانت مشاركة وقد اخطئ وقد اصيب فإن اخطأت فمن نفسي وإن اصبت فمن عند الله اخوكم المحب لكم نايف الشريف
