نهضة وطن

مُستقبل الشعب السعودي وداره
زاهر بإذن رب الخلايق ومضمون
بجهود زيزوم الحُكم والإداره
النادر اللي فوق مهما يقولون
آمال شعب المملكة وافتخاره
في رؤيته واقع ما هي قول وظنون
والكلمة اللي صدق أهلها مناره
أقولها له باسم عشرين مليون
محمد أمانٍ للوطن وانتصاره
على جميع أعدائه مهما يكونون
محمد الحلم العظيم وقراره
ناجح بفضل الله وبالعدل مقرون
محمد طموحات الوطن واقتداره
على النهوض وسيدي للوطن عون
حاكم وشامخ هيبته واعتباره
تهتز منها عرش قادات وركون
في كل بصمة مجدٍ أبلغ عباره
يفخر بها شعبٍ بفعله يباهون
هذا صقر سلمان نادر حراره
للشعب عز وللوطن درع وحصون
همّه وتفكيره وخطة مساره
نهضة وطن شامخ هله يستحقون
رؤية حكيم بكل جدّ وجداره
جابه لنا الله مالك الملك والكون
الله يبارك فيه.. ويعز داره
في ظل من فيه العرب يستظلون
أبو فهد والشعب رهن الإشاره
لأوامره فيما يقوله يطيعون