ذكرى الوطن تنعاد عاماً ورى عام

ذيعوا الفرح ياهل الصحافه والاعلام
من كل جانب خلهم يسمعونه
عاش المليك الحازم الملهم الهام
ملك على الاسلام تسهر عيونه
في خدمه الاسلام يسهر ولانام
عيناً بها شده وعيناً حنونه
مليكنا وحزامنا ضد الاخصام
يا سعد منهو بالشدايد زبونه
وولي عهده يشبه الصقر لاحام
على العدى عنده من الله معونه
سياسي وقاسي وفارس وضرغام
شبيه جده بين حزم ومرونه
مهندس الرؤيه وحازم ومقدام
عضيد ابوه ولا يخيب ظنونه
في يومنا اللي غير عن كل الايام
يوم الوطن واهل الوفاء يرقبونه
ذكرى الوطن تنعاد عاماً ورى عام
تاريخ شامخ والبشر يذكرونه
تاريخنا تكتب عنه كل الاقلام
مجدٍ تليد وبالذهب يكتبونه
وحدة وطن وحده لشعباً وحكام
المجد يعشقهم وهم يعشقونه
والشعب والحكام للدين خدام
خدمة شرف لا اطهر ثرى يسكنونه
سر ياوطن والعز قدام قدام
وابنا الوطن بأرواحهم يفتدونه
حتى علمنا غير عن كل الاعلام
العز باين في شعاره ولونه
صرنا رقم ما تاصله كل الارقام
رقماً صعيباً كل الارقام دونه
غصباًعن الحساد بالشرق والشام
الدين ثابت ما تمايل ركونه
والله يعز الدين و يعز الاسلام
و يعز شعباً للوطن يحتمونه