لا واهني الطير لا ضاقت عليه عدّا الجبال اللي يهولك جالها شف الطيور تمر كل اللي تبيه ولا يطبّ الارض غير ظلالها ما زاملت ناقص ولا خاوت سفيه عن الطمان الله رفع منزالها وانا على هذا توسّمت الوجيه كان الطيور تطيح على اشكالها بعض الرجال بكل ما لك تشتريه وبعض الرجال الله يرحم حالها وبعض الرجال ان قال قولٍ يحتميه وبعض الرجال يروغ لا من قالها وبعض الرجال بكل لازم تحتريه وبعض الرجال اللآزمه ما شالها وبعض الرجال يوزّع اللي في يديه وبعض الرجال الله حرمها مالها وبعض الرجال اليا عزم مثلك تجيه وبعض الرجال تشوم عن فنجالها وبعض الرجال اليا تمعرف بك نسيه وبعض الرجال تعد لك افضالها وبعض الرجال اليا تواصيتوا نبيه وبعض الرجال الفال ماهو فالها وبعض الرجال يبين ما سويت فيه وبعض الرجال النعم ما يقوالها وانا تخيّرت الذي ديني رضيه تبرى به الذمه وهو يبرالها اللي يخاف الله ومرضي والديه ما فيه خصلة طيبه ما نالها يبقى ولو طال الزمن ما له شبيه مكانته بين الرجال لحالها الله يديمه ذخر والله يحميه ويكفيه شر الآخرة واهوالها
