(فانوس الملل)

( فانوس الملل ) نص شعري جديد ابدعه حديثا الشاعر فهد المنصوري وخص به قراء ( ملامح صبح ) ومع شكرنا له على حرصه وتواصله معنا، ندعوكم لمشاركتنا قراءته حيث يقول:
في ليلة البرد فانوس الملل طفّه
يا الهاجس اللي ` لزوم ان جيت تفضالي
جددْ حماس الشعر واللي برد دفّه
ولا تنثني ساقك الا فوق الاطلالي
صدر الرحوب انفرا والشوق قد هفّه
يا ليت الايام للماخوذ تبرالي
من مبسم اللي سوات اللول مصطفّه
ايقنت بني نشبت وصعب منزالي
لن جيت اعيد النظر ... اخشا من الخفّه
وان عشت دور الثقيل اشفق على حالي
قفا وخلا " الثقيل وشام عن شفّه
وانا سوات اعزلن مشروب فنجالي
يا بخت منهو معك ( في ليلة الزفه )
عز الله انه وردْ .. وحباله اطوالي
ميزان الايام ما يرجح لنا الكفّه
يومن الاحلام شابت وهي في بالي
ما كني الا مجاهد ( من هل الضفّه )
من دونها ب الحصا لو قطّع اوصالي
نطرد وراها بجنحانٍ لها رفّه
طير الامل ب الجناح يرف بالعالي
اليا لحقنا بعضها .. يقتنع شفّه
وان غيّبت ... جيت راجع لك وانا لالي
هذا ترى شاعرك والحظ ما دفّه
يمكن يبالغ » ويمكنّه يورالي