يا موطني

جزل القصايد يوم انادي بالزحام
تهمل رعاع القاف تأتي بالرزين
تناوش الأفكار تاتي باحتدام
على الورق باشعار والمعنى الرصين
بيني وبينه صحبة ماهي كلام
كل ما ندهته للوطن جتني عرين
ياموطني دار الاكارم والكرام
ياارض سيد هالبشر والمرسلين
يا اطهر بقاع الأرض يالبيت الحرام
يارض القداسه والنبي والمسجدين
لشعيب مكه وأرض نجد وفي تهام
وأرض النفود وكل سهله بي حنين
يوم الجهل والشرك وعباد الصنام
والقوم كانوا من قبل متناحرين
احقاب مجد نورت عصر الظلام
ماهو مجد الأمس والا من سنين
في موطني أسياد نبراس السلام
والقائد اللي في ظلاله محتمين
يا ذخرنا في هالبلد عن كل طام
يامرعب أعداء الشريعه كل حين
بإذن الإله اللي تعالى ما يضام
باعث لنا أحمد خير المهتدين
لافكروا اعداءنا بالانقسام
شعب وقياده هالبلد متكاتفين
الله وأكبر والعدو يلجم لجام
يخسى العدو حاله بحال الغابرين
حبل الولاء اللي نكنه مايسام
ولا ينشرى باسواقهم حبل متين
ياسيدي لك مننا كل احترام
وولي عهد القائد الحر الأمين
محمد اللي للعدا مثل الحسام
ومحمد الثاني عساهم سالمين
اطلب اللي نعبده حج وصيام
يحفظك ياموطني درع حصين
شعبٍ أبيّ وحكام سادوا به عظام
ياقبلة الاسلام والنور المبين