مكاشفة.. أبو العريف والمبرقعة!

@ ابو العريف تراك سببت لنا وجع الرأس من آرائك الاسبوع الماضي، حاول تخفف هذا الاسبوع، وحاول تجامل اشوي..
@ صدقني يالمبرقعة ماحد ورطني الا اسئلتك، وانت بعد حاولي تبعدني عن الاجواء المكهربة.
@ ابو العريف، ويش سالفة السماري مع الهلال؟
والله ويش اقولك.. السماري ماحد يقدر له شيء، كاتب كبير وله قاعدة جماهيرية كبيرة، ولكن كسر خاطري ولد المصيبيح.. ما قصر عليه السماري.
@ وتعتقد يسمعون له الهلاليون؟
اذا ما سمعوا له، عنده قلم ازرق حاد وعلى قولة الشاعر (وين ما يرحوا الازرق حنا وياه).
@ ابو العريف اكتشفت الاسبوع الماضي انك جبان؟
أف.. ليه.. ما كنا حلوين
@ صراحة لما سألتك عن نصر هلال والمطرود، شفتك تراوغ، وتقول الحق؟
تصدقني عاد انهم تصلحوا، يعني لو قلت رأيي كان طلعت من المولد بلا حمص.
@ ابو العريف يقولون ان الطويرقي ابدع؟
صحيح ابدع خاصة في حواره مع فهد المصيبيح بالزميلة الرياضية.
@ لما أقولك يا بو العريف انك (مفهي) ما تصدقني، انا ما قلت الطريقي، قلت لك الطويرقي؟
اسف العتب على السمع، الطويرقي قال للاعبيه (اذا ابتليتم فاستتروا).
@ ويش يقصد؟
يعني لا تستخدمون الشيشة في المقاهي، استخدموها في البيوت.
@ الا... ويش اخبار الخوجلي؟
مسوي روحه مهم ، وآخره العركة قبلة فوق الرأس، واعتذار، ويادار ما دخلك شر..!!
@ والحارثي.. ليش ما اعتذر؟
(100) ألف عملها عمايلها معاه..!!
ابو العريف الاتفاق عاد لوهجه، والقادسية عادت للممتاز، والنهضة ويش اخباره؟
@ بعدهم في الثانية، وتصريحات مسؤوليهم كأنهم في الممتاز، رحم الله ايام الزوراي وخالدين وعيسى حمدان.
@ ابو العريف.. وهذا محمد نور موجايبها لبر مع لعبه في الحواري؟
عاقبوه وعطوه سيارة لكزس فقط.. فقط.. فقط.
@ الدنيا حظوظ صحيح؟!!
يعني لو ما الدنيا حظوظ احمد جميل يصير محترف حتى الآن في الاتحاد.
@ الا بسألك ويش اخبار يد الخليج؟
نقرأ: حبيب بيعتزل هالاسبوع، وفي الاسبوع الثاني يتراجع ، ويقولون يبيون مدرب عالمي مو عاجبهم ماجد شبر، ويقولون انهم يبيون مكآفات، ويبيون..!! الله يسلمنا المهندس ياسر شاخور.
@ ابو العريف، والله سعيد العويران لحين ماشي سوقه في الجرايد؟
مسوي جو مثل جو ابها هالايام.
@ لكن اقرأ كثيرا عنه.. يهاجمونه؟
الاستاذ سعيد العويران المهم صورته تنشر في الجرايد حتى لو يسبونه.. خطة العويران (رهيبة).
@ ابو العريف.. يقولون انك نصراوي، اكيد تعرف متى سيقام حفل وداع ماجد عبدالله؟
الشق الاول مو صحيح، اما الشق الثاني فالذي اعرفه ان اعتزال ماجد هو بتاريخ 9/9/99م ، غريبة هو لحين ما سوى حفل اعتزال!!
@ ابو العريف اتحداك تجاوبني على هذا السؤال.. سامي الجابر بيلعب مع الهلال او لا؟
بصراحة لا.. لا.. لا.
@ وويش اللي خلاك متأكد من جوابك؟
اعرف الجابر وايد ذكي ووايد يعرف مصلحته.
@ تصدق ابو العريف ان ارتحنا هالسنة من صجة الهلال والنصر على المدرب؟
الله يذكر ايام جورج ارثر بالخير، وفي النهاية اقالوه.
@ ابو العريف.. كيف الحال؟
يالمبرقعة.. هذا السؤال خطير، ويش (قصد شه) بكيف الحال..
@ اقصد يوسف الثنيان.
سلخير...!!
@ اقولك ما سمعت عن البرازيلي روبسون مع الاتفاق؟
يقولون راسب
@ والحل؟
ما يهمك الرئيس الذهبي حلها.
@ ابو العريف لا تلف ولا دور.. ما تورانا يبقى في الهلال؟
أسألوا الرئيس الجديد، لكن يوردنيسكو معشعش في رؤوس الهلاليين.
@ ابو العريف سؤال اخير.. صدقني اخير ، ويش رأيك في الزعيم بدون رئيس؟
مثل الشجر بدون ورق..!!