قصيدة سلمان فلسطين للشاعرة إلهام الظاهر

ولا ذل منهو حكم الشرع والدين
ولا هانت امه قادها الحر سلمان
اللي بسيف الحق كاد المعادين
حرن نهض للدين نهضة كحيلان
يوم أنها طلت قرون الشياطين
في وقفتن تردع الانس والجان
والله حباه النصر عزه وتمكين
عاداتهم ما همهم كان من كان
دامه شعار العز نخله وسيفين
واللي نوى للشر نادم وخسران
واللي طمع عود بخفيك ياحنين
واللي من اول كان للحرب طربان
ما له جدا يا كود يصفق بالايدين
حطوه راسه بين مطرق وسندان
لا حومت بالجو فرخ الشياهين
لفظات افمها تشعل الارض نيران
ترمي على راس المعادي براكين
قولوا لهم سلمان بالسيف سهران
يقطع حلوق اللي على البوق ناوين
هلهل رعدها وامطرت سحب الامزان
هتانها علقم مذاقه وغسلين
يا سيدي صغت القوافي والاوزان
من راس حره من حراير فلسطين
يا سيدي حنا لهم يوم الاكوان
وابو فهد يامر وحنا ملبين
والمملكه من دونها زحف بالابدان
وانجود بالارواح والنفس راضين
يا قايد الامه ويا فخر الاوطان
لو اشرت يمناك طوعك ملايين
بقلم شاعرة فلسطين
الهام ابو ظاهر