ذهاب المداوير

الله أكبر يالحظوظ المعاثير
عيا يزين الوقت!! .. مانيب رايق
أدرجتّ دمعي والمحاجر محابير
وخدي لها صفحات بيض الرقايق
واللي ورى ضيقي وفك الازارير
موت الصبر في حلول كل الطرايق
ياصاحبي وأكبر خطايا التعابير
سوء الذنوب .. وصدر الأقلام ضايق
سود الليالي ملحقات المقادير
وغلايل القدره تشب الحرايق
أحلم وأفسر واقعي بالتصاوير
ونبض الحقيقه خلف زيف الحقايق
بعض الحلوم اللي تفوق التفاسير
مراجع ٍ ماسندن بالوثايق
وش عاد باقي لو تقافن مدابير
غيري من المقفين تلقى علايق
قلها وأنا بشكر كثير المعاذير
تبرير عذرك من لسانك لفايق
وان شفت في عيني ذهاب المداوير
أغرق على فرقاي نون الحدايق
يفوح .. فوح الكيف وسط المباهير
أجداد نزف جروح أعز الخلايق
هاذي محاطيب الحنايا مكاسير
يكفيك عن خضر الطعون الغلايق
مدري متى ربي يسوق التباشير
وتنزاح عن دربي كبار العوايق
تعبت وأتعبت القدم والتفاكير
وأقفت بعمري دايرات الدقايق