نعلن تعازينا ونعلن ولانا

اعنف خبر واعنف جواب لفانا
ذاعت به النشر ضحى يوم الاثنين
بغيت انا اصبر مير بيح خفانا
والدمع من فقده ملى محجر العين
نعلن تعازينا ونعلن ولانا
ونجدد البيعة على العسر واللين
لملوكنا لملوكنا وأمورانا
لاطامة العايل وحماية الدين
الله ينصرهم ويجبر عزانا
في أبو اليتامى والضعوف والمساكين
فقدك يابو فيصل صعيب علينا
وانا بما دبر لنا الرب راضين
ياللي حميت الدار هي وقصرانا
وابطلت كيد المعتدي والحسودين
نطلب لك المولى ونرفع يدينا
عساك في الجنات آمين آمين
تراك بعد الله أنته رجانا
تسلم يابو متعب سقم المعادين
وولي عهدهك له حقوق علينا
سلطان شيخ السلطنة والسلاطين
صوتك يابو متعب يجلي صدانا
وأنا لصوتك يا ملكنا ملبين
ما دام راسك حي ما علينا
يا ناصر شعبه ويا ناصر الدين
يا شجرة آل سعود وانتم ذرانا
وانتم ملوك الشعب مبطين وذلحين
لكل منكم في اللقاء ما توانا
للشعب خير وللمعادين قاسين
تمت وصلى الله على اللي هدانا
على رسول الله ختام النبيين
راشد بن عبدالرحمن النتيفات