مرحوم يا فهد

والله نحزن والحزن يعترينا
وشلون ما نحزن على من فقدناه
مرحوم يا فهد الفقيده بكينا
نبكيه ثم نبكيه غصب بكيناه
سيرته تبقى دايمه تحتوينا
بقلوبنا مكانته ما نسيناه
اللي رحيله ما ترده ايدينا
لو ينفدي بغلا ثمن به فديناه
ادعو معي له انتضرع دعينا
يا رب تغفر له وسدد خطاياه
طور وطور شوفوا اللي بنينا
بين الدول من هو يسوي سواياه
سيرة وفا لا لسعود وفينا
على العهد ونجدده ما نقضناه
لعبدالله الشغموم منا وفينا
نبايعه حاكم وحنا رضيناه
على العدل والدين لا ما عصينا
قائد لنا الأمة وبيضا سجياه
ومنا لبو خالد حقوق علينا
ولي عهده ما تخفى مزاياه
لو زيرنا المحبوب يا ماقرينا
فعايله تسمو كبيره عطاياه
وداراً بها عشنا وفيها ربينا
نحمي ثراها من شياطين وعداه