لا والله إلا غاب بدر الجزيرة

لا والله إلا غاب بدر الجزيره
الله يعوضنا الصبر عقب ما غاب
بدر افل لاشك بدا نظيره
عن غيبة المرحوم في موقعه ناب
أمر القضا لا حل مامنه جيره
ما توقفه لسباب ولا دونه احجاب
نرضا بقدر الله وهذا مصيره
لاسابق ساعة ولا اجل جاب
لكن مصيبة حار فيها البصيره
عظم الفقيدة تجعل الفكر ينصاب
العالم صيبوا كالبوهم بحيره
ساعة قرا المكتوب لاصحاب واجناب
فهد فهد أبو الكبار المنيره
وابو الصعاب لاقسى حزم كلاب
شديد لكنه نظيف السريره
رحيم في لينه كما العسل ينذاب
المسلمين اجمع فهد تستشيره
لا مالتوى حبل المعيقات بانشاب
للضاء ركن ما يخيب امجيره
يردون حوضه في مهمات واصعاب
الناس ترتع في هماليل خيره
مثل السحاب اللي على الأرض سكاب
يبكيه شعبه من كبير وصغيره
مالومهم في فقد عمود الاطناب
ياما وياما به مزايا كثيره
قليل من هي هيا من العالم اقطاب
فلاله منا كود دعوة بريره
الله يقبلها من قلوب والباب
عساه يخلد في الجنان النظيره
ملك فتح للشعب للخير الابواب
يسكب على قبره قطوف مطيره
تعطي اقبور العود نفحات واطياب