اللغز

كان كاتب لغز الاسبوع الماضي الشاعر دكتور طبيب بتال بن عبيد الدوسري من الرياض الذي يقول:
لها ثلاثة روس مركابها الجيب
لاهوب نيسان ولا هو شروكي
راس تجيب العلم لو كان به عيب
وراسين تنقلها لسمع الملوكي
وقد توصل للحل شعرا:
يا مرحبا دكتور مليون ترحيب
واللغز وارد وافيٍ وامحبوكي
لي رمعةٍ تاصل للاهداف واتصيب
سماعة الدكتور مابه شكوكي
سالم البشري - الجبيل
خذ الحل من رجلٍ ملا راسه الشيب
يرقا وينزل بالعنابر مكوكي
سماعة الدكتور يا عل ماتخيب
(ليتمان) لامن ساورتك الشكوكي
طبيب قاسم بن محمد الداود - الدمام
ياصلك حله مابها شك اوريب
في نجد موجوده لأقصى تبوكي
سماعة للكشف ما تعلم الغيب
للطب واهل الطب دوم حملوكي
احمد بن ناصر المحرج - الرياض
نبدا بسلام الله واحلى تراحيب
نفرش ورود العز ما هو بشوكي
والحل سماعة طبيب له تجيب
علما ًتجيبه فايده ومحبوكي
مقرن بن متعب الهرف - الرياض
اللغز يا دكتور واضح بلا ريب
حمله معك دوم يحسب سلوكي
سماعة الطبيب لو ما اعلم الغيب
يشخص بها من حال يشكي وعوكي
عبدالرحمن بن أحمد الكنهل - الرياض
حارت بي الافكار في اللغز يالذيب
كنه مهندس رسمة في كروكي
الحل شفته عند دكتور وطبيب
سماعة الدكتور والرمعه اوكي
عبدالله الرفيعي - البكيرية
يامرحبا حييت بحلا التراحيب
لغزك على ماقيل حبك محبوكي
سماعة الدكتور وتجيب وتجيب
تجيب الخبر مظبوط مابه اشكوكي
سعد صنهات السهلي - الدرعية
للشاعر الدكتور بتال ترحيب
اعداد ما غروٍ لامه ضحوكي
ومن مهنتك حبكت لغزك بترتيب
سماعتك بالطب ما به شكوكي
عبدالكريم الراشد التميمي - الغزالة
دكتور يا بتال لاهنت ومصيب
لغزك نحله لو تعَقْد السلوكي
يا علّة المرضان للجرح تطبيب
سماعة الدكتور فيها سمعوكي
صلاح اليابس - رحيمة
اهلا وسهلا جمبها الف ترحيب
باللي بنى لغز قوي السلوكِ
قولك تجيب العلم صحيح ومصيب
سماعة للطب حل محبوكي
علي رشيد الرشيد - رياض الخبراء
سماعة الدكتور دائم على الجيب
وقلوبنا يافلان هي الملوكي
تستاهل التقدير ياراعي الطيب
وشهادتك بالطب تسوى صكوكي
محمد ابودحيم العريني – البدائع
يامرحبا باللي يعرف المواجيب
دكتور انا قريت لغز محبوكي
والحل عندي دون شك ولا ريب
سماعة الدكتور ما هي شكوكي
ماجد بن حبيب الحربي - البدائع
سماعة الطبيب عل فالك الطيب
مشروكة في روسها بالسلوكي
تجيب الخبر من دون شك ولاريب
سليم وإلا هو بحمى معروكي
عبداللطيف الحمياني - عنيزة
الجيب جيب البالطو ياهل الطيب
حق الاطبا يانزيه السلوكي
الاطبيب سام شعبه بتعذيب
جزار بن جزار خاين سفوكي
عبدالعزيز الصالح - حايل
الحل يالدكتور بتال يالذيب
سماعة الدكتور طبق الكروكي
هي حل لغزك دون شك ولا ريب
والجيب جيب الثوب ما هو سوزوكي
مبارك بن محمد الضعاوين -
وادي الدواسر
وعلى وزن اخر
الحل جاكم وانا حبيب
واقول للاهل الحل مبروكي
الحل سماعة الطا بيب
ماهو جالاكسي ولا نوكيا
حبيب بن فريح الحربي - البدائع
وحله نثرا
خلف بن عائد السحوم - بريدة،
عبدالرحمن ابراهيم المشعل - الرياض