ضخي الدم المجدد بالشرايين الجديده يا نجوم العز ياللي بالسماء يوضي سعدها وأرفعي خضر البيارق وسطها سيف العقيده واهطلي يامزون خير بارك الله في مددها ودي ابدا مابدالي وابتدي مبدى القصيده بالنيابة عن هل الزلفي واقول انا ولدها اطربي يادار واشدي يابلابل بتغريده والحياة بمنطقنا بشريها في رغدها اطلقي زغرودتك يافرحة الزلفي وعيده فرحتك ماقط صارت قبلها ولابعدها أبشري واستبشري باللي مساعيهم حميده الصقور اللي تنومس ساعة الصفر بهددها شرف الله دارنا بزيارة شيوخ مجيده الرجال رجالها وايضا البلد طبعا بلدها مرحبا ترحيبةٍ تنجب تراحيب عديده دامنها من كل قلبي ماعليكم من عددها مرحبا باميرنا خالد وفي تركي عضيده يامراسيم الحدود وخيمة العز وعمدها أنتم حجاب الوطن ضد الشياطين المريره وانتم عدول المحاكم من بحث عنها وجدها وانتم اللي ترفعون الراس بعقول رشيده تدفنون الفتنه أم قبيس وتموت بمهدها وانتم الدرع المتين اللي يوقينا حديده ما أنثنى ولاثنته القوة العظمى بيدها ياسعادتنا اللي قلوب الغلا فيكم سعيده والسعاده مايحس بفضلها الا من فقدها ياعمار محافظتنا بالمشاريع المفيده أمركم به تصدر الحكمه وكل يعتمدها أنتم أحفاد العظيم اللي مواقيفه سديده صقرها عبدالعزيز مطوع الغابه واسدها ارث رجال عظام للمهمات العنيده ترقد عيون وتداوي عين اخرى من رمدها سلم الله راس ابو متعب بالاعوام المديده هو اساس اركانها اللي كل مامالت رفدها وعاش سلمان الوفا للدار نظراته بعيده ذخرها حمايها الاول ليا شبت وقدها هم سلاطين أهل نجد وكلهم ربع وبديره اسرة ربي على التوحيد والسنه سندها وهم جبال ما تزحزحها المعاصير الشديده لابدت سحب المعارك طشها يسبق رعدها عشتوا وبنك الولاء نفتح لكم دايم رصيده يقطع الله كل نفس ماتوفى في عهدها ختمها مع كل تسبيحه ومع كل تحميده نحمد اللي جابكم للزلفي وزدتو سعدها
