مرثية في فقيد قبيلة الغربية من عتيبة

والدي الشيخ ناصر بن فهيد بن ملفي الغربي العتيبي «رحمه الله» أحد مؤسسي هجرة الغربية «الصوح» الذي انتقل إلى رحمة الله ظهر الاربعاء 8/5/1426ه
مرحوم ياريف الديار الفقيره
مرحوم ياجدي وأنا القلب ملهود
ياصعب لحظات الفراق العسيره
وياصعب فرقاكم يابويه علي زود
يابوي نفسي من أفراقك حسيره
ربيت من كفك مع الوقت ممهود
من علمكم ما عاد أشوف المسيره
ولا عاد أميز بين مطوي وممدود
ياصعب علم جا بتالي الظهيره
يوم أربعا عندي من أيامي السود
قالوا توفى شيخ ذيك العشيره
رمز سما بالصوح فالعلم مردود
في غفلة يالله عسى انك تجيره
وتمد في قبره رياض بلا حدود
وتجبر عز اللي مالها منه غيره
وتلطف بناظرها من دموع تزود
اللي معه من مبتداها صغيره
لين أخلفت دنيا الشقا مبتدا العود
يوم أوقفت في نظرة له أخيره
كلماتها والله ما عني تحود
الله ما أصعبها بدنيا حقيره
«مع السلامة يابوي..» أبصوت محدود
«وداعة الله..» فالثوان الأخيره
كلمة وقالتها وهي ترتجف زود
وتخالفت خطوات رجلي كسيره
كن المكان يقول ذا الباب مسدود
مرحوم يامن ما اشتكى من قصيره
يادامح الزلة ويامهفي الزود
مرحوم يازبن الضعيف وخشيره
ما تملكه بينك وبينه من الجود
مرحوم ياراعي الكرم في عسيره
يوم ان بعض الناس ياجد ومقيود
يبكيك دار ما بها اليوم نسيره
ونجد العذيه والحماده وعنقود
أرض وطت رجلك عليها كثيره
فيما مضى واليوم يابوى مفقود
أنا أشهد إن فجوتك عقبك كبيره
ما تنرفى يابوي والوقت مجحود
جعل البقا فاللي بهم منك سيره
خوالي أهل الجاه والعز والكود
الله يصبرهم ولو هي مريره
ذي سنته ما غيره الحي. معبود