عاضنا بالليال السرمديه عويض

كون مثلي سعودي والله انه حضيض
يكفي انه سعودي والزوايد حضوض
عاضنا بالليال السرمديه عويض
طيب الله ثراه اللي جعلها تروض
والعوض فيه روسٍ لجلنا ماتريض
كل ضامي ورد في ضلها كل حوض
في شمال وجنوب وطول نجد العريض
روض امان ورضاء وبكل ميدان روض
هاض فكر القصيد وخاطري ما يهيض
بعد عدة حلول وبعد عدة عروض
كيف اعبر عن اللي في ضميري يفيض
يا حروف الهجاء ما كل كلمه تعوض
مَن حضني ربيعه لو لياليه قيض
لو طلب مستحيلي ويش عذر الرفوض
مَن سحابه يهل الخير وزراء يغيض
وانبت اللقمه اللي بعدها اقوى النهوض
مَن على ارضك واشعر باني مريض
طبت من فضل من يعبد بخمس الفروض
يا وطن خذ عهد مني لو انه وميض
نور برق الرجال اللي منول ينوض
ساعة القاك تنخى في ضجيج الجضيض
ساعة اللي قليل الاصل حب الربوض
لجلب الروح في سوق المنايا البغيض
واصبغ افداك من دمي ودم البغوض
والله انا ما نسمح منك يوخذ عضيض
او من ارضك يصادر كبر ماطى البعوض
ان طلبت الاماوت جوك مثل النفيض
وان طلبت الاحاياء ماتلبى العروض
من يضد الاعادي بالنهار الغميض
لرتفع صوت من يطلب سداد القروض
خذ علينا العهد واكتب بخط عريض
الوطن والوفاء والدم ضخ النبوض
رهن اشارتك نمشي بأمر عصبة معيض
وامر نجدتك قبل امر استضاح الغموض
ومن سلم يوم ما قصر تراه الحضيض
ولا يفيد الربوض وردها للحضوض