عليك بأبها لا بدت عطلة الصيف

بكر عليك الصيف يا أحلى المصايف
ياديرة ما كن لها بالسنه صيف
عالي قممها والسحايب ولايف
وسهولها والطل والماء مواليف
مكسية بمطرزات القطايف
وهواء الطبيعة «كند شنات» تكييف
مايلحق المصطاف فيها كلايف
لاراعي الدار السعودي ولا الضيف
وامن وأمان ما وجد له وصايف
وسجة شهر قيمة تذاكرك لجنيف
إسمع كلام اللي بالأعيان شايف
مالك ومال اللي يذكر ولاشيف
تسرح وتمرح بالخلا ما انت خايف
وعلى حلالك ما تخاف الحواويف
والا انت برّى في نظر كل حايف
حتى ايش لو إن كل شيء على الكيف
كم سائح عوّد وكله حسايف
سافر مود وعود لداره معيف
فما دمت عاقل والذلايف تلايف
عليك بأبها لابدت عطلة الصيف