راحت العطلة وابتدت الدراسه

راحت العطلة وابتدت الدراسه
باهني الطلاب والطالباتي
ملزوم يظهر كل واحد حماسه
وقت الكسل والنوم ولا وفاتي
والطالب اللي به ذكاء مع سياسه
الموهبه عنده سوات الفراتي
ما هو مضيع طاسة فوق طاسه
مذاكرٍ ولا تضيع الصلاتي
واللي في الفصل كثير إنعاسه
دايم بليد ويهمل الواجباتي
لا جاء يحل الدرس داسه وحاسه
افكار راسه رايحاتا شتاتي
وإلى اختبر تجي عليه انتكاسه
يستاهل المطرق قبيح الصفاتي
كل واحدا يحط علمي براسه
يطول دايم راعي الطايلاتي
العلم نورن نقتبس باقتباس ه
واما الجهل يعميك طول الحياتي
العلم يبني ابيوت من صلب ساسه
واما الجهل يهدم بكل الجهاتي
ولاجيت أبوك تحب خشمه وراسه
وللأم فضلٍ أكبر من السراتي
تظمها وتحبها وبشراسه
الجنة تحت أقدامي الأمهاتي
واللي تجي التقوى ذراه ولباسه
يفلح ويكتب مع عبادا تقاتي
وعليه من رب الخلايق حراسه
اللي يصلي الفجر والرزق ياتي
في ذمة اللي يرهب الخلق باسه
من الصبح حتى يحين المباتي
تراء السهر بالليل كله تعاسه
والنوم بدري خير قبل الفواتي
واشرب من الحليب لاقمت كاسه
وافطر فطورٍ زين واحفظ وصاتي
أكل المقاصف محكمات أكياسه
ابي انصح اخواني وبنصح خواتي
والله ما نعرف فظته من نحاسه
أكيد منت بلاقي مفطحاتي
تبي مقاصف المدارس اعساسه
عسى الوزارة تكشف الخافياتي
تم الكلام اللي نظمته على أسه
وأخر قوافيها توقف على أتي
راحت العطله وابتدت الدراسه
باهني الطلاب والطالباتي
شبيب بن هذال الوندان السبيعي
- الرياض -