فرحة أمة

استبشرت ارض الجزيره وغنت
وهلت على نجد بوادر سعدها
النفوس جاها من الولي ما تمنت
بعودة القايد تجدد رغدها
عودة ابو متعب للشعب خلت
الأم ترقص بالفرح مع ولدها
الحمد لله كل نفس تهنت
بشوفة الغالي تلاشى نكدها
محبتك في قلوب هالشعب حلت
يا ديمة يروي العطاشى مددها
حرصك على شعبك افعال تجلت
وحماك فيه الأمن للي وردها
يا خادم البيتين نفسك تحلت
بالجود والمعروف ارست عمدها
نفس ابد ما يوم عنا تخلت
للشعب تنجز كل يوم وعدها
في غيبتك النفس كلت وملت
كم ليله الهم بدونك هجدها
اليوم هاذي المملكه اسفهلت
هلت عليها افراح وامطر رعدها
احزانها من شوفتك اضمحلت
وافراحها ما حدن قدر ورصدها
مع عودتك هموم شعبك زلت
ورود السعاده ينتشي من شهدها
يوم طلعتك على الجماهير طلت
على الشعوب اللي جنابك سندها
تباشرت قلوب المخاليق وصلت
تشكر ولي العرش اذهب سهدها
دموع الفرح من محجر العين هلت
وافراحنا يحرق عدوك صهدها
حسادك من الغيض يا شيخ ولت
من القهر والضيم ربي كمدها
شعوبك ابد عن بيعتك ما تخلت
في حضورك وغيابك تحفظ وعدها
شخصيتك بالعدل يومن تولت
امر الرعيه حبال ربك عقدها
يد الردى في عهدك اليوم شلت
كم منوة شعبك في عهدك وجدها
بسط السعاده في دربنا اليوم فلت
دروب الشقا عنا ابو متعب طردها
اعلى المراتب مملكتنا تعلت
ومركب ابو متعب بفعله وردها
شيخ على الطولات ما يوم ملت
نفسه على الاحسان تعانق جسدها
نحمد ولي العرش الاوجاس زلت
عن قايد الامه وباني مجدها
حسن بن عبدالمحسن السعيد