الشعب بادلك المحبة

العيد ما هو شوف هذا وهذاك
شوفك بصحة يا كحيلان عيدي
يا شيخنا اللي نسعد بذكر طرياك
يالله عسى عمرك بصحه يزيدي
شفتك تحي الشعب والشعب حياك
بحساب شعبك يا بو متعب تزيدي
يا شيخ عبدالله عديمه حلاياك
حاكم نزيه وفي السياسه فريدي
فتحت بيبان التقدم بيمناك
وباب التخلف صار عنا بعيدي
الشعب يسعد والوطن دوم بخطاك
في كل خطوة صرح يبنا جديدي
من طيب قلبك وفق الله مسعاك
عطيت كل مواطناً ما يريدي
حيث الوطن والشعب غايتك ومناك
من أجلهم تعمل بجهد جهيدي
تسهر وغيرك نايم في مذراك
وغيرك تعب والا أنت عزمك شديدي
الشعب بادلك المحبة ويفداك
حبك جرى فى الدم وسط الوريدي
حيث المكارم جامعتها محياك
يوم الشهامة صرت فيها وحيدي
يا سيدي لو ندفع الروح ما كفاك
مقدارك أكبر وأنت يا شيخ سيدي
يا الصيرمي والله قليلين شرواك
مع البشر لعل عمرك مديدي
أنت الأبو وأنت الأخو لا عدمناك
وأنت العضيد لمن فقد له عضيدي
أنته معزبنا ولا شيء يخفاك
عهد الوطن والشعب باللي تريدي
لك الولا غير الغلا قبلة أيداك
أصدق مشاعر لك تفل الحديدي
ياللي عطيت الشعب قلبك وعيناك
من طيب ذاتك جبت له ما يفيدي
الله يقدرهم بالاخلاص تجزاك
وميزان حسناتك يزيد الرصيدي
مبروك بن نامي المطيري