يا زعيم العرب ما جاك جعله طهور

يا زعيم العرب ما جاك جعله طهور
ما يجيكم خلاف وشركم ينجلي
من دعاء الأرملة والعود عقب السحور
طالبين الشفاء لك من عزيز(ن) ولي
يا ملكنا بعد ما طبت جانا السرور
قايم(ن) بالسلامة والله المعتني
اعتنى الخالق الرازق بعبد(ن) شكور
من يجود عمود الدين دايم قوي
يا زعيم(ن) على الإسلام دايم غيور
كل مسلم يحس بضيق يمك يجي
في طريقك يا أبو متعب تحط الزهور
حبكم في قلوب الشعب يالفيصلي
ويا ولي العهد والخير فيك مخبور
والله انك بفعل الخير مالك حلي
ونايف الأمن والأمن بنايف فخور
له صقور(ن) مجهزت(ن) لمن يعتدي
وحاكم(ن) فالرياض يرد له كل شور
هو فخر نجد يومنه بناها بني
دولة(ن) ثقلها بين إلى جاء حضور
وإن سعت في خلاف(ن) فالعرب يستوي
فالحرم خطة(ن) ما جت بكل العصور
من ملوك(ن) لغير الله ما تنحني
القطارات فيها غير بني الجسور
لو تعد المرافق فيه ما تنحصي
الله إنه يكافيكم جميع الشرور
دعوة(ن) صادقة يا ربنا المعتلي
ومن بغا دارنا له علة(ن) فالنحور
له جنود الوطن بالنار، يشوى شوي
ما حسبنا لمن يمشي بدرب الفجور
الله اللي كشف بلواه لو ينطوي
الله أكبر على منهو لداره يبور
كيف يفسد بدار(ن) يمها ينتمي
مسند مازن الميزاني