يا لوج قلبي من فراق الغضي لوج

يالوج قلبي من فراق الغضي لوج
لوج السحايب فصطفاق الهبايب
تلعبه الذكرى تلاطم كما الموج
ويسبح بغبة شوق من كان غايب
كم مرة راج الفكر يا الغضي روج
وحلت على ذكراك كل المصايب
وصفن هواجيسي مثل صفت الفوج
هذا خفير وتالي الليل نايب
ومسيت قلبي بعد فرقاك مفجوج
ياويل قلبي من فراق الحبايب
اعيد ذكرانا مع الوقت وسوج
وونس بقلبي مثل صلو اللهايب
عليك ياللي رحت من غير منتوج
وحل الفراق بدون ذنب وسبايب
كل الدعاوي حقد وظروف وهروج
اهروج عذال يحب النشايب
وقفيت لو دمعك على الخد مزعوج
لا طايبن فالك ولاني بطايب
دام الغياب ودام ذكراك مدموج
منساك لو حطو علي النصايب
مذكر الروقي – الطائف