مشارية واعتاب

والله وجيت ولك مشاريه وعتاب
من صوب جيت وبانت الشمس من صوب
وانا حبيس البرد والجوف سرداب
ماغير صوتك بين الأضلاع مشبوب
حتى بريق الوجد في ناظري شاب
من حين غبت وتاهت جهات ودروب
ماتدري انك رحت وغيابك غياب
يعني رحلت وخاطر الشمس مذهوب
راحت على حزن الشفق تكسر اهداب
وانا عليك من الشفق رحت مسلوب
خليتني في معبر الريح مرتاب
بين الأمل والياس والشك منهوب
تمرني كل الزوايا والأبواب
وانا على حد المواجيع مصلوب
تناسلوا من وجهه الشاحب اغراب
وازريت يالماخوذ تبرى لها نوب
سألتهم وانا على الرجم منصاب
مامركم يا حادي العيس نبنوب
مابه على عوج النضى معكم احباب
ياناطحين الضلع والظلع محطوب
قفوا ورجع الصوت يدوي وينساب
في داخلي والجرح بالجرح مخضوب
كذا وقفت اجالد فراق الاصحاب
لاباحك الله هجر وذنوبك ذنوب
ماتدعاتب وطلعني على طول كذاب
اشره علي بأية لغة بأية اسلوب
اضحك يفوح الكون زنبق وعناب
سولف يبوح ايلول للثلج ويذوب
تعال باقي لي هنا جرح ماطاب
جرحٍ على خبرك من العام ملهوب
من قال كفك خلته ينزف اطياب
من قال لونته قرنفل وخرنوب
ملكك تسوي به على كيف ماطاب
لبى يدين طيح القلب بالدوب
والله وجيت ولك مشاريه وعتاب
من يوم غبت وغابت الشمس من صوب