ابطال في الجبهة تحرس الحدودي

يا رب مد إلنا يد الصبر والعون
يا الواحد أللي ما لغيرك وجودي
يلي عبادك دوم لرضاك يرجون
وما فيه غيرك واليا(ن) ومعبودي
احفظ بلدنا يا الولي خالق الكون
واحفظ أبو متعب عريب الجدودي
مليكنا أللي ثبت العدل بركون
عبدالله أللي حبنا له يزودي
اللي إليه الكل شاكر وممنون
هو غيثنا مروي عطاش الكبودي
وثبت أقدام اللي على الحق يمشون
أبطال في الجبهة تحرس الحدودي
بقيادة الضرغام للموت يشرون
خالد ولد سلطان شبل الأسودي
القايد أللي هقوته ما تجي دون
فوق النوايف بالهقاوي يرودي
وسلام يا الشجعان يلي تذودون
دون الحدود مكرسين الجهودي
يخسون ثم يخسون والله ويخسون
أللي خطاهم ثابت (ن) بالشهودي
خانوا بلدهم قبل إلنا يخونون
الزمرة اللي ينقضون العهودي
أهل البدع اللي على الغي يمشون
أخطر على الإسلام من اليهودي
إن كان ما يدرون لابد يدرون
قدام بالمرصاد جيش السعودي
عدوانهم في كل حاله يخسرون
عدوهم جداه لطم الخدودي
دون الوطن للموت لاما يهابون
للموت تارد مثل ورد العدودي
شوف المظلي برهن لمن يهذرون
كيف الشجاعة والجلد والصمودي
والشعب مبتهلين لله يدعون
يحفظ ملكنا والوطن والجنودي
ويا الله تفني من لخلقك يكيدون
وترد كيد المعتدي الحقودي
تركي بن مدعج