أمنك ربك من خبيثين الطويه

نحمد الله نحمد الله يا محمد يابن نايف
مؤمن (ن) وأمنك ربك من خبيثين الطويه
طاب ذكرك يالرحوم اللي تحديت الكلايف
والله إنه يحفظك من مكر فعال الرديه
من طعون الغدر خلف الصدر من كف المهايف
فوق جرف (ن) هار وانهار وتعثر في نويه
من خفافيش الظلام اللي كسايبهم كسايف
ناكسين الروس جند ابليس في روحه وجيه
الله أكبر وش هو اللي تطلبونه ياخفايف
ومن هو اللي ضدكم حتى تزيدوا عنجهيه
وكل واحد من حكومتنا ورب البيت شايف
يعتبركم من عياله ما يناظر ف الخطيه
ويتجاوز عن فعايلكم وصفقات النكايف
والعهود اللي نكثتوها بهذيك العشيه
وش هو اللي تبتغونه من ورى دعم الطوايف
ونشر تفكير الضلال وبث روح العنصريه
فويلكم والله من الجبار قصام المحايف
ومن كتاب (ن) ما يغادر من فعول الخلق شيه
ف إخسأوا يا أيها الأقزام عن روس النوايف
لن تنالوا من وطنا ومن حكومتنا الأبيه
وكلنا آل سعود ودروع الوطن والكيف كايف
وعاصبين الروس والله مانهوجس بالمنيه
ووالله إنا كلنا ما فيه منا فرد خايف
وإن زما العايل زمينا والوفا فينا سجيه
صادقين وصاملين وصامدين (ن) للصلايف
ولا تعودنا الخضوع إلا لخلاق البريه