صوت الصورة

حاج محرم وطفله فوق كتفه وعليه الإحرام
وسط زحام الحجيج وعين طفله تناظر للحرم
يا سلام التربيه بالدين للمسلم وسام
والعباده هي صلاح الحي في مجد وقيم
جلعود لافي الشمري - حائل
حي منهو راح للبيت واعتمر
طاف بالكعبه وصلى بالمقام
يدعي اللي خالق كل البشر
بالعفو والمغفره بعد الأثام
شمروخ بن محمد بن شمروخ - رماح
الله يستر على الحجاج
ويعين ربي شايل أوليده
من كل صوبن يجون أفواج
من شان ربي وتوحيده
عبدالكريم عبدالرحمن السلوم - القرائن
طفلٍ على الفطره تلاهب شعوره
قام يتلفت يم بيته يناجيه
ربي حماه وكل مسلم يزوره
تذرف دمع العين والقلب راجيه
سعد الحماد - روضة سدير
خوف وغلا شلتن وأشيلك إلى احتجت
وأحج بك من فوق راسي ومتني
دامك معي حيين وإن مت حججت
غيري إذا إظروف المرض عطلتني
فهد بن عقيل الطويان - بريدة
هلا بالحجيج اللي لفوا في ديار الخير
وعسى حجكم يا ضيوفنا دايم مبرور
بلاد المحبة قالت أهلاً مع التقدير
لفيتوا لنا وقلنا عسى سعيكم مشكور
محمد بن عبدالعزيز الخنيفر
يارب سهّل على الحجاج
كم واحداً ما قضى فرضه
الحج فرض بدون ازعاج
أخلص لرب السماء وأرضه
شبيب بن حمود القحطاني - المزاحمية
لا وا حليلك يا الصغير متكي
أحرمت بأحرامك مع اللي يطوفون
متثبتٍ فالراس دايم تعكي
وحجاج بيت الله مخلصين يدعون
حمد عبدالله الوايلي
مبروك للي طاف بالبيت يا بدير
بدا من الركن اليماني وكمل
يطلب عفو ربه ماله هدف غير
عبداً ضعيف من الذنوب متحمل
بدر بن خلف الحزيمي
لبيك رب الكون ثم لبيك لبيك
لبيك حج فرضٍ تقبله من عبادك
شلت الولد فوق الكتف وجيت ناصيك
اطلب رضاك ورحمتك يوم ميعادك
خالد بن ناصر المخيمر
يامرحبا بضيوف مكه وطيبه
اللي لفوا من كل فجٍ عميقي
أهلاً بهم في مملكتنا الحبيبه
لو ضايقونا صدورنا ما تضيقي
زبن مقبل العنزي
يشرح صدري لا شفت المسلمين ببيت الله
وحول كعبة المسجد تسعى وتطافي
وأقول اغتنم الفرص وحج يا عبدالله
دام رب السموات ميسر لك ومتعافي
محمد عائض هلال - الدوادمي
يابوي هاذي نظرة وداع
وداع حار للبيت الحرام
ماودنا يصير عنه انقطاع
حبه في قلوبنا على الدوام
سلمان عبدالعزيز المعيلي - الرياض
الله على مكه وأهله
والله على شكل ديباجه
ياملتفت عينك القبله
ياليتني رحت حجّاجه
دلال الحربي - القصيم
نرحب بمشاركاتكم الشعرية حتى مساء الاثنين على الفاكس رقم 4871070أو الإيميل الخاص بصفحة الخزامى:
khozama@alriyadh.com
زاوية: (صوت الصورة).. ياهلا.